Qaraǵandy oblysynyń Qylmystyq İster jónindegi arnaıy soty Temirtaý qalasynyń turǵynyn 18 jylǵa bas bostandyǵynan aıyrdy, dep jazady «Qamshy» aqparattyq agenttigi.

Today.kz jańalyqtar qyzmetiniń habarlaýynsha, azamat 2-synyp oqýshysyna seksýaldyq qysym kórsetkeni úshin aıypty dep tanyldy.

«Sot qaýly shyǵardy: Denıs Klımenkony QR 121 Qylmystyq kodeksiniń 4-baby boıynsha aıypty dep tanyp, 18 jylǵa bas bostandyǵynan aıyryp, qatań tártiptegi kolonıaǵa toǵytý  jazasy qoldanylady», dep úkim shyǵardy sot tóreshisi Qaırat Kasımov.

Qylmysker óz kinásin moıyndap, ókingenin aıtady.

Qosymsha jaza retinde sot qylmyskerge pedagogıkalyq qyzmet túrlerinen alystatylýyn qadaǵalaıtyn bolady.

Eske sala keteıik, Temirtaý qalasynyń mektepteriniń birinde pedofıl oqýshyny úıine deıin ańdyp kelgen. Ata-anasynyń úıinde joq ekenin bilgendikten artynan erip kirip, óz mindetin atqarýǵa tyrysqan. Qyz bala jan daýsymen aıqaıǵa salyp, jartylaı jalańash kúıinde aýlaǵa júgirip shyǵady.

Birer saǵattan soń polıseı qyzmetkerleri kúdiktini qolǵa túsiredi. 38 jastaǵy jergilikti turǵyn buryn da sottalǵany anyqtaldy.