Elimizge belgili ánshi Qaırat Túntekov birshama ýaqyt úzilisten soń sahnaǵa qaıta oraldy, dep habarlaıdy "Qamshy" aqparattyq agenttigi.
"Super Star KZ" jobasynyń ekinshi maýsymynyń jeńimpazy, "Novaıa volna-2013" qatysyp, 4 oryn júldegeri, óziniń qońyr da, jaǵymdy daýysymen jalpy jurtshylyqqa tanymal ánshi Qaırat Túntekov Qazaqstan estradasyna qaıta oraldy. Birneshe kún buryn ánshi Qazaqstannan ketetini jaıly málimdegen bolatyn. Mundaı sheshim qabyldaýyna ne túrtki bolǵany belgisiz, alaıda sońǵy jyldary ánshiniń basynda birshama másseleler bolǵany anyq.
Qaırat Túntekov óziniń ómirin senarı etip alǵan jańa "Ushqan baǵym" atty ánge beınebaıan túsirip, halyqtyń nazaryna usyndy. Beınebaıandy kórgen áleýmettik jeli qoldanýshylary ánshiniń úlken sahnaǵan qaıta oralýymen quttyqtap, túrlishe pikir bildirýde. Olardyń kópshiligi Qaırattyń sahnaǵa oralǵanyna qýanyp, onyń daýysyn saǵynyp qalǵandyǵy jaıynda jazyp jatyr. Ánshiniń birneshe ýaqyt úzilisten keıin túsirilgen beınebaıanyn tamashalap, óz baǵalaryńyzdy berińizder.
