Aldymen ortalyq alańda bastaý alǵan, odan ári aýdandyq Mádenıet úıinde ótken «Aqmola juldyzdary» oblystyq halyq shyǵarmashylyǵy baıqaýy gala-konserti «Qýatty Qazaqstan – baıandy bolashaq!» uranymen Qazaqstan Respýblıkasynyń Memlekettik rámizderiniń 25-jyldyǵy jáne EKSPO-2017 halyqaralyq kórmesi aıasynda ótkizildi.

Atalǵan baıqaýdyń maqsaty: táýelsizdigimizden, memlekettik tutastyǵymyzdan, turaqtylyǵymyzdan  bastaý alǵan Qazaqstan halqynyń, qoǵamynyń  yntymaqtastyǵyn arttyrý, kópultty elimizdiń tarıhyna degen qurmet qalyptastyrý, ulttyq-dástúrlerdi nasıhattaý, halyq shyǵarmashylyǵynyń barlyq janr sheberleriniń oryndaýshylyǵyn shyńdaý, tabıǵı darynǵa ıe oryndaýshylardy anyqtaý ári kórsetý, rýhanı qundylyqtardy saqtaý jáne damytý.

Aýdandyq halyq shyǵarmashylyǵy baıqaýy erekshe alýandylyǵymen, emosıonaldylyǵymen kórermenderdiń kóńilinen shyqty. Halyq tarıhyn nasıhattaý men patrıottyq tárbıe berý baǵytynda osyndaı is-sharalardyń mańyzy zor.

         Baıqaýǵa 13 aýyldyq okrýg, 184 shyǵarmashylyq ujym, 2020 shyǵarmashylyq kórkemónerpazdyq ujym músheleri, 263 solıs jáne 7868 kórermen qatysty. Árbir okrýg óz baǵdarlamasyn daıyndap, sahna bezendirip, jańashyldyǵymen erekshelendi. Ásirese, Birsýat, Konstantınov, Volgodon aýyldyq okrýgterdiń shyǵarmashylyq ujymdary, sonymen qatar, Túrgen, Arnasaı jáne №3 Arshaly orta mektebi kózge tústi.

Baıqaýǵa  jańa shyǵarmashylyq ujymdar, jańa solıser qatysty. Oblystyń kórkemónerpazdar shyǵarmashylyǵy baıqaýynyń gala-konsertinde aýdannyń eń úzdik ujymdary óner kórsetti. Atap aıtqanda, «Zadorınka», V.N.Zelenyı atyndaǵy halyq ansámblderi,  «Mıraj» halyqtyq bı ansambli,  Tasbolatovtar áýletiniń «Almagúl» halyqtyq otbasylyq ansambli, qazaq jáne orys halyq aspaptary orkestrleri, bı ujymdary. Ónerpazdardyń kóbisi oblystyq baıqaý laýreattary, halyqaralyq jáne oblystyq festıválderdiń, konkýrstardyń, konsertterdiń qatysýshylary.