Shekarada 50 myń dollarynan aırylǵan jalǵyzbasty áıeldiń isine qatysty alǵashqy sot úkimi shyqty. Qytaıdaǵy úıin satyp, Qazaqstannan baspana alamyn dep kele jatqanda "kontrabandashy" atanǵan Gúljan Máýithanǵa 9 900 dollary ǵana qaıtarylatyn boldy dep habarlaıdy "Qamshy" aqparattyq agenttigi 31.kz-ke silteme jasap.

Alaıda, Shyǵys Qazaqstan oblysy Zaısan aýdandyq soty jalǵyzbasty áıeldi 234-bap boıynsha aıypty dep tanyǵan. Sondaı-aq, 68 myń teńge aıyppul salypty. Al, qalǵan 40 myń dollar ázirge memleketke kiris bolyp bekitilgen. 

Aıta keteıik, qandasymyzdyń basyndaǵy qıyn jaǵdaı "Qamshy" aqparattyq agenttiginiń nazarynan tys qalmaǵan. Buǵan deıin Gúljan Máýithannyń aqshasy qaıtarylatynyn qýana habarlaǵanbyz. Belgili bolǵandaı, sot tek 9 900 dollaryn ǵana qaıtaryp berý týraly sheshim shyǵarypty. Alaıda óz aqshasyn tolyqtaı qaıtarý úshin Gúljan Máýithan endi joǵary ınstansıalarǵa júginbekshi eken. İs oń sheshimin tabady dep senemiz. Aldaǵy ýaqytta da qandasymyz Gúljan Máýithanǵa qatysty  aqparatty oqyrmanǵa habarlap otyramyz.