Estimegen el de kóp. 6 jasar qyzǵa úılengen er adam sottaldy. Aýǵanstandyq 60 jastaǵy Muhammed Kárim esimdi er adam kishkentaı qyzdy ózine sol qyzdyń ata-anasy syılyq retinde usynǵan eken. Bul týraly «Qamshy» aqparattyq agenttigi jergilikti BAQ-qa silteme jasap habarlaıdy.

«Bul qyz – onyń ata-anasynyń maǵan bergen syılyǵy» deıdi Kárim.

Er adamnyń ózi din qyzmetkeri bolyp jumys atqarady eken. Polıseı qyzmetkerlerine bergen málimetinshe qyzǵa qolynyń ushyn da tıgizbegen. Sebebi, qyzdyń ata-anasymen sondaı kelisimge kelgen.

Dáriger Nashfarın Shıhabtyń aıtýynsha, balada fızıkalyq turǵydan da, psıhıkalyq turǵydan da másele týyndamaǵan. Tek búldirshin 60 jastaǵy er adamnan qorqyp qalǵan deıdi.

Din qyzmetkeri 6 jasar qyzǵa 30-40 qonaqtyń jáne qyzdyń ata-anasynyń qatysýymen úılengenin aıtady. Alaıda, polıseı qyzmetkerleriniń málimetinshe, ata-anasy ol toıda bolmaǵan. Qyzdy 1 aı buryn urlap ketken kórinedi. Sondaı-aq, urlaǵan adam Muhammed Kárimge qyzdy satyp jibergen.

Arnaı quqyq qorǵaýshylar istiń anyq-qanyǵyna kóz jetkizbeıinshe eshqandaı sheshim shyǵarmaıtyndaryn aıtty.