Oblys ákimi Qumar Aqsaqalov jumys saparymen Mamlút  aýdanynda boldy. Óńir basshysy eń birinshi   qurylys materıaldaryn, tereze bloktaryn, jıhazdar shvǵaratyn, sol sıaqty  kólik tasymalymen aınalysatyn  kásiporynǵa  at basyn tiredi. 

     «Eger qural-jabdyq  zamanaýı, sońǵy  bolsa,  ony  jumysbasty qylý kerek. Jaqsy dızaınerlerdi, jańa tehnologıalardy  qatystyrý arqyly  ony qalaı isteýge bolatynyn  birge oılastyraıyq. Qazaqstanda  tutastaı alǵanda  jıhazdar fabrıkasy  kóp emes ekenin biz bilemiz. Olar - jańa zamanaýı jıhazdar shyǵaratyn  almatylyq, oraldyq kásiporyndar. Sondyqtan osy sektorǵa  ketý  kerek. Logıstıkalyq ortalyqqa keletin bolsaq,  bıyl Qorǵanǵa baratyn jol  jóndele bastaıdy. Eki jyldyń ishinde ony tolyǵymen jóndeımiz»,- dedi  Qumar Aqsaqalov.

       Odan keıin  óńir basshysy  un ónimin óndiretin  jáne ótkizýmen aınalysatyn «Mamlút  un úgý kombınaty»  JSHS-da boldy. Seriktestiktiń bas dırektory Anatolıı Shramko uıym týraly tolyǵyraq aıtyp berdi.

       «Qural-jabdyqtarymyz elevatorǵa túsken kez-kelgen astyqty  tazalaýǵa múmkindik beredi. Sapaly ónim shyǵarý úshin, birinshiden  qural-jabdyq,  ekinshiden shıkizat  pen  joǵary bilikti kadrlar kerek.  Solardyń bári bizde bar.  Sondyqtan eń joǵary sapaly ónim shyǵarýǵa daıynbyz»,- dedi  Anatolıı Shramko.

      Áńgime barysynda oblys ákimi  Qumar Aqsaqalov bizdiń óńir úshin eksport óte mańyzdy ekendigin sóz etti.. Osy jaǵdaıda  oblys  ónimdi az kólemde  óńdeıtindigin  jáne az eksporttaıtyndyǵyn  Qumar İrgebaıuly atap aıtty.

      Mamlút aýdanynyń áleýmettik-ekonomıkalyq damýy jaıynda ákim Erbolat Bekshenov baıandady.

      «Ótken jyly  «Bıznestiń jol kartasy-2020» baǵdarlamasy boıynsha  8 joba boldy. Oǵan 267 mln. teńgeniń qoldaýy kórsetildi.  Birinshi toqsanda 3 ótinim  berildi.  Bul jumys ári qaraı jalǵasýda. 2015 jyly   eńbekaqy 68000 teńge bolsa,  2016 jyly 80500 teńgeni qurady.  Ósim 104,8 paıyz. Aýyl sharýashylyǵy boıynsha  tutastaı alǵanda  79700 teńgeden 83500 teńgege ósti.  Kóktemgi-dala jumystary boıynsha   jalpy alqap 196 myń gektar,  par – 21 myń gektar, egistik alqap – 175 myń gektar. Dándi daqyldardy 117 myńnan, 105 myń gektarǵa azaıttyq,  maıly daqyldardy 14 myńnan 21 myń gektarǵa kóbeıttik», dedi Erbolat Bekshenov.

      Osy jerde Qumar Aqsaqalov agroqurylym basshylarymen kezdesip, aýyl sharýashylyǵy taýarlaryn óndirýshilerdiń ózekti máselesi bolyp tabylatyn tehnıkalarmen qamtamasyz etilý,  organıkalyq astyq ósirý  jáne  tehnologıalardy saqtaý  jaǵdaılaryn talqylady.

      «Aýyl sharýashylyǵy ónimderin  óndirý kólemi boıynsha  Mamlút aýdany  búgingi kúni   kósh sońynda keledi.  Tartylǵan ınvestısıa  da  aýdanda az.   Indýstrıalyq-ınnovasıalyq  damý baǵdarlamasy aıasynda  bir joba da  iske asqan joq. Nege?  Oǵan barlyq aýdandar qatysýǵa tıis.  Taýarly sút fermalaryn,  aýyl sharýashylyǵy kooperatıvterin qurý týraly aıtýdamyz.  Bul - jumyssyz  júrgen adamdardyń jumys tabýyna, salyq tóleýine  jaǵdaı jasaıtyn tetikter  Ony sizdermen birge ǵana sheshýge bolady. Oǵan memleket jalǵyz qatysa almaıdy.   Sondyqtan  sizderden áleýmetke baǵdarlanǵan bıznes júrgizýdi suraımyz»,-  dedi óńir basshysy.

  Mal sharýashylyǵy salasyn damytý jaıyn sóz ete kelip,  oǵan tolyq kólemde  barlyq múmkindik bar ekenin  atap aıtty.  Onyń ishinde  memlekettik qoldaýdyń tıimdi tetikteri de bar.  Óz kezeginde,   jańa sharýashylyqtardyń ashylýy  óńirdegi ózin-ózi qamtamasyz etetinder men  jumyssyz turǵyndar sanyn  edáýir mólsherde azaıtýǵa jaǵdaı jasaıdy.  Basqasha aıtqanda -  soltústikqazaqstandyqtardyń hal-ahýalyn jaqsartady. 

 Oblys ákimi   bıyl birinshi ret  elıtalyq tuqym alý  demeý qarjylandyrylatyndyǵyn  da  atap ótti.

     «Bizdiń  joǵary sapaly astyq alýymyz úshin barlyq jaǵdaılar jzasalýda»,- dedi  Qumar Aqsaqalov.

   Kezdesý sońynda  óńir basshysy   aýyl sharýashylyǵy taýarlaryn óndirýshilerdi  qaptalda qalyp qoımaı,  sý tasqyny kezinde   turǵyndarǵa  kómek kórsetýge  shaqyrdy.  .