Eurasian Resources Group S.a.r.l. (ERG) men Pavlodar oblysynyń ákimdigi 2017-2018 jyldary áleýmettik mańyzdy jobalardy júzege asyrýdaǵy ózara áriptestik týraly Memorandým jasasty. Memorandýmǵa «Earýzıalyq Top» JSHS Basqarma tóraǵasy Aldıar Qaztaev pen Pavlodar oblysynyń ákimi Bolat Baqaýov qol qoıdy dep habarlaıdy "Qamshy" aqparattyq agenttigi.
Qostanaı oblysy syndy Pavlodar óńirine de bıyl ERG Memorandým aıasynda sońǵy bes jyldaǵy rekordtyq kólemdegi 3,7 mlrd. teńge qarajat baǵyttaǵaly otyr. Qarjy búginde turǵyndardyń súıikti ornyna aınalǵan Aqsýdyń ortalyq jaǵalaýyn qalpyna keltirýge, qalanyń ózge de saıabaqtaryna «street work-out» nysandary men oıyn alańdaryn satyp alyp, ornatýǵa jumsalmaq. Sondaı-aq, Ekibastuz qalasyndaǵy «Shahter» demalys jáne mádenıet saıabaǵyn abattandyrý men jańǵyrtý jáne taǵy basqa da mańyzdy jobalar qarjylandyrylady.
ERG aımaqtaǵy salamatty ómir salty men sportty damytýdy óziniń basym baǵyttarynyń biri dep biledi. Sondyqtan Memorandým aıasynda Pavlodarda júzý baseınin salýǵa, eki kúres zalyn qaıta qalpyna keltirýge, Aqsý qalasynda «street work-out»-pen shuǵyldanýǵa nıettilerge arnalǵan jabdyqtar men oıyn alańdary satyp alynyp, ornatylady. Kóp jyldyq dástúr boıynsha Eýrazıalyq Top Pavlodar oblysyndaǵy fýtbol men voleıboldyń damýyna qoldaý kórsetedi.
Aldaǵy 2017-2018 jyldarǵa qol qoıylǵan Memorandým tek ERG jobalarymen shektelmeı, Qazaqstan Respýblıkasynyń zańnamalaryna sáıkes jergilikti búdjet esebinen qarjylandyrylatyn Pavlodar oblysy ákimdiginiń aımaqty damytýǵa baǵyttalǵan áleýmettik mańyzy bar jobalaryn da tolyq qamtyp otyr. Bul qatardy ERG qyzmetkerleri úshin erekshe jobalar, atap aıtqanda, jol qurylysy men ınfraqurylym, arýhanalardy jóndeý, balabaqsha men mektep qurylysyn qarjylandyrý, oıyn alańdary men ózge de sport nysandary bar.
– ERG óz qyzmetinde Memleket basshysynyń syndarly saıasatyn basshylyqqa alady ári kompanıanyń áleýmettik jaýapkershiligi sonyń aıqyn dáleli. Keıingi jyldary Pavlodar, Aqsý qalalarynyń qalaı túrlengenin kórdińizder. Eýrazıalyq Top qyzmetkerleriniń basym bóligi osy óńirde turady. Sol sebepti biz osy aımaqty damytýǵa úles qosýdy baqyt sanap, eki jyldyq Memorandýmǵa qol qoıyp otyrmyz. Biz bıznestiń áleýmettik jaýapkershilik tanytqanyn qoldaımyz ári ákimdiktiń óńir turǵyndarynyń ómir sapasyn jaqsartýǵa baǵyttalǵan jobalardy qarjylandyrýǵa septesýin árdaıym qoldaımyz. Bizdiń tyńnan qolǵa alǵan «Týǵan jer – Rodnye goroda» atty baǵdarlamamyzdyń da túpki máni osynda, – dedi Eurasian Resources Group S.a.r.l. dırektorlary Keńesiniń tóraǵasy Aleksandr Mashkevıch
13 jyl boıy Eýrazıalyq Top (ERG) jyl saıyn Top kásiporyndary ornalasqan Aqtóbe, Qaraǵandy, Qostanaı jáne Pavlodar oblystarynda mańyzdy áleýmettik-ekonomıkalyq jobalardy júzege asyrý jóninde memorandýmdar jasasyp keledi.
Sońǵy bes jylda (2012-2016 jj.) Eýrazıalyq Toptyń Qazaqstandaǵy barlyq kásiporyndary qyzmetkerlerdi áleýmettik qorǵaý men áleýmettik salany qarjylandyrýǵa, aımaqtardy áleýmettik-ekonomıkalyq damytýǵa, demeýshilik pen qaıyrymdylyqqa 103 mlrd teńgeden astam qarjy jumsady.
Sonyń ishinde Memorandýmdar aıasynda ERG Pavlodar oblysyn damytýǵa 10,6 mlrd. teńgeden astam ınvestısıa quıǵan. Bul qatarda Aqsý qalasyna Imanjúsip Qutpanuly atyndaǵy sport saraıyn alý, jabyq hokeı kortynyń qurylysy, Ekibastuz qalasynda daryndy balalarǵa arnalǵan mýzyka mektebi men júze baseınin salý, Pavlodar qalasyna tramvaılar satyp alyp berý, mektepterge kúrdeli jóndeý júrgizý, balalar jáne sport alańdaryn abattandyrýdy atap aıtýǵa bolady. Dástúrli túrde dene shynyqtyrý men sportty damytýǵa qarajat qarastyrylady.
