Búgin «Nur Otan» partıasy Tóraǵasynyń Birinshi orynbasary «Egemen Qazaqstan» gazetinde jaryq kórgen Elbasy maqalasynan alǵan áserimen oı bólisti. Eýrazıa ulttyq ýnıversıtetiniń ǵalymdary, oqytýshylary jáne stýdentterimen bolǵan kezdesýde bul taqyryp áńgime arqaýyna aınaldy.   

    «Nur Otan» partıasy Tóraǵasynyń Birinshi orynbasarynyń aıtýynsha, qazaqstandyqtar, jáne eń aldymen zıaly qaýym ókilderi ult rýhanıaty men onyń quramy degen máselege aıryqsha nazar aýdaryp keldi. Bul taqyryp – qyzyqty ǵylymı pikir almasýlardyń, keıde tipti aqyndar, jazýshylar, fılosoftar, memleket jáne qoǵam qaıratkerleriniń  arasyndaǵy talastardyń qaınar kózi boldy.  

    «Memleket basshysynyń jańa maqalasy qazaqstandyqtardy uzaq ýaqyttan beri mazalap kele jatqan, bizdiń qoǵamnyń «rýhanı beriktigine» jáne eń bastysy, ulttyq ıdeıanyń mánin qalyptastyrýǵa qatysty birsypyra máselelerge jaýap beredi», - dep tolyqtyrdy sózin «Nur Otan» partıasy Tóraǵasynyń Birinshi orynbasary.

    Muhtar Qul-Muhammed prezıdenttiń maqalasynda kórinis tapqan mańyzdy tezısterdiń birinen úzindi keltirdi: «memleket pen ult quryshtan quıylyp, qatyp qalǵan dúnıe emes, únemi damyp otyratyn tiri aǵza ispetti».  

    «Nur Otan» partıasy Tóraǵasynyń Birinshi orynbasary Memleket basshysy jarıa etken biregeı baǵdarlamalyq qujattyń barsha qazaqstandyqtardyń jappaı qoldaýyna ıe bolatynyna senim bildirdi.