Balańyzben qarym-qatynas jasaýdaǵy 10 basty qaǵıda:

1. Árdaıym esten shyǵarmańyz: sizdiń balańyz – sizdiń ómirińizdiń qýanyshy.

2. Balańyzdyń kózinshe bylapyt sóz aıtýdan aýlaq bolyńyz, otbasy múshelerinen de osyny talap etińiz.

3. Balańyzdyń  sizge nemese siz qalaǵan adamǵa uqsap ósýin talap etpeńiz. Óz qabiletine saı tolyqqandy azamat bolýyna bar jaǵdaıyn jasańyz.

4. Balańyzdyń jiberýi múmkin qatelikterine qatty synmen qaramańyz. Onyń tájirıbesi az. Oǵan árdaıym senetinińizdi aıtyp otyryńyz.

5. Tek balańyzdy emes, ózińizdi de tárbıeleńiz. Balaǵa eń birinshi áser etetin faktor – ózińizsiz.

6. Balańyzdyń eń jaqyn dosy ózińiz ekenin bildirińiz. Buǵan kúndelikti qoldaý—qolpashtaý frazalaryn paıdalaný arqyly qol jetkizýge bolady.

7. Balańyzǵa erkindik berýdi umytpańyz. Kıinýde bolsyn, bólme sándeýde bolsyn, óziniń talǵamyna erik berińiz.

8. Ózińiz qandaı-da bir sheshim qabyldaý barysynda, balańyzdyń budan habardar bolýǵa quqy bar ekenin esten shyǵarmańyz. Osylaısha, «Otbasy – kishi memleket» ekenin jastaıynan sanasyna sińire alasyz.

9. Balańyzǵa erkindik bere otyryp, qadaǵalaýdy daǵdylandyryńyz. Balańyz sizdi qurmettesin deseńiz, soǵan laıyqty bolýy kereksiz.

10. Balańyzǵa salystyrý men salǵasytyrýdy, analız ben sıntez jasaýdy úıretińiz. Bul ádisti qarapaıymnan kúrdelige qaraı jasaǵanyńyz jón.

Materıaldardy jınaǵan: Alına Bolatbek