Qazaqstanda adam aǵzasyn zańsyz túrde satý jóninde 4 aıǵaq aıqyndaldy. Bul jóninde İshki ister mınıstrligi QazAqparattyń saýalyna jaýap berý barysynda aıtty.

Mınıstrliktiń habarlaýynsha, alǵashqy oqıǵa 2015 jyly Astanada anyqtalǵan. Ol kezde donor $15 000-ǵa búırek satpaqshy boldy. Satýshy bir jarym jylǵa bas bostandyǵynan aıyrylǵan.

2016 jyly polıseı qyzmetkerleri zańsyz túrde adam aǵzasyn saýdaǵa salǵan eki aıǵaqty tapty.

Al, búgingi tańda almatylyq polıseı qyzmetkerleri búırek satýshyǵa baılanysty naqty aıǵaqtarǵa qatysty tergeý jumystary júrgizilýde.

«Qazaqstan Respýblıkasynda adam aǵzasyn zańsyz túrde saýdalaý jóninde qylmysqa barǵan adam Qylmystyq kodeksiniń 116-babyna sáıkes eń kóp degende 20 jylǵa bas bostandyǵynan aıyrylady» dep jaýap berdi İİM Til jáne aqparat jónindegi memlekettik departamentiniń dırektory Almas Sadýbaev.

Adam aǵzasyn saýdaǵa salý nemese kúshpen alý jóinide taǵy bir qujat – «Halyq densaýlyǵy jáne densaýlyqty saqtaý júıesi» Kodeksi de bar.

Zańsyz adam aǵzasyn saýdalaýmen aınalysqan adam ǵana emes, onyń sybaılastary da aıypty bolyp tanylady.

Sonymen qosa, Ulttyq ǵylymı hırýrgıa ortalyǵynyń jetekshisi Syzǵanova, Almaty qalasynyń bas transplantology Bolatbek Baımahanov adam aǵzasyn transplantasıalaý arqyly ota jasaý múmkin emes ekenin aıtady.

«Bul absýrd  jáne eshkimge kerek emes. Zańǵa qaıshy aǵzany kóshirýdiń kimge qajeti bar? Onyń bári zańdyq turǵydan ruqsat etilgen ǵoı. Esi durys hırýrg jasyryn túrde ondaı ota jasaıdy dep oılamaımyn. Onyń ústine, jasyryn transplantasıalaý múmkin emes. Transplantasıa úzip alý, kesip alý degen sóz emes. Bul hırýrgtar, anestezezıologtar, medbıkelerden turatyn keminde 40-45 adamnyń qatysýy tıis kúrdeli proses» dedi Baımahanov.

Respýblıkalyq transplantasıalaý jóninde koordınasıalyq ortalyǵynyń málimdegenindeı, 3000-ǵa jýyq qazaqstandyqtar aǵzany transplantasıalaý jóninde kezekte tur. Kóbisi búırek aýystyrý boıynsha, al 15%-y baýyr transplantasıalaý boıynsha kezekte.