Qytaı: 
Sálem qazaq degende, sálem qazaq!
Saǵyndyrmaı ózińe kelem qazaq!
Aıtysýǵa  talaıdan izdep júr em,
Qolǵa óziń tústiń be, bálem qazaq!
Amansyń ba, baladaı ańqaý qazaq!
Uıqyly - oıaý júretin marǵaý qazaq!
Jambasyńnyń  astynda baılyq jatyp,
Jarymaı-aq kún kórgen jalqaý qazaq!

Qazaq:
Haýma qytaı degende, xaýma qytaı!
Jalǵyz balań, qatynyń saý ma qytaı?!
Dos bolýǵa men seni keldi desem,
İzdegeniń aıtys pen daýma qytaı?
Shaqyrmaı-aq qaptadyń dalamyzǵa,
Taýaryń da tolyp tur qalamyzda.
Ózi sasyq, ózi ýly bolsa daǵy,
"Arzan" ǵoı dep áıteýir alamyzda.

Qytaı: 
Bizdiń kıim bolmasa, bizdiń tamaq,
Ash jalańash júrer eń baıǵus qazaq!
Zeınetaqyń, jalaqyń túkke jetpeı,
Kórip júrsiń kúnińdi tıyn sanap.
Jeriń de keń, baılyǵyń netken mol - aq,
Sol baılyqty bıligiń jatyr tonap.
Orys dosym ekeýmiz "shapka" berip, 
Ýran, munaı, gazyńdy aldyq talap.
Jerińdi alsaq endi biz egin salsaq,
Qyzyńdy alyp myń jyldyq quda bolsaq,
Jıenińdi kóbeıtip qumyrsqadaı,
Bárimizde osynda máńgi qalsaq...

Qazaq:
Ne aıtaıyn, "qıǵash qas" qytaıym-aı,
Meni jeńdiń seniń kóp upaıyń aı.
Bir aıtystan jeńilip kórmep edim,
Jyǵyp berdi - aý, qý bılik, Qudaıym aı...

Avtory: Aıtmuxanbet Beısembekov