«Italıa arýy» Djessıka Notaroǵa 2017 jyldyń aqpan aıynda shabýyl jasalǵan. Aýrýhanaǵa óte aýyr kúıde jetkizilgen sulýdyń bet-júzi kúıip zaqymdalǵan. Dárigerler qyzdyń kózine, kórý qabileti zaqym kelýi múmkin degen boljam jasaǵan.
Aldyn-ala tergeýde Djessıkaǵa shabýyldy eks-jigiti jasaǵany belgili boldy. Málimetter boıynsha, ol qyzdy birneshe ret bopsalap, qorqytqan. Bul týraly Qamshy aqparat agenttigiti life.ru-ǵa silteme jasap.
Qazirgi ýaqytta qyzdyń eks-jigitine sot prosesi júrip jatyr.
Djessıka Horhe Tavarespen osydan úsh jyl buryn tanysqan. Sulýdyń aıtýy boıynsha Horhe úlgi tutýǵa laıyqty jigit bolǵan. Alaıda eki jas aıyrylysqan soń, ol ózgerip shyǵa kelgen. Jumys ornyn biletin bolǵandyqtan, qyzdy kútip alyp ańdyp, izine túsken. Djessıka jańa tanysynyń úıine kóship barǵan kezde de Horhe tarapynan qorqytýlar toqtamaǵan.
«Ol meniń izime túsip aldym. Kúnde ańdýdy shyǵardy, bopsalap, qorqytatyn. Tipti ótirik óz-ózine qol jumsap meni qaıtarmaq boldy. Meniń úıimniń aldyna kelip arqanmen asylyp turǵan keıip tanytty»- deıdi zardap shekken arý.
Eń soraqysy, Horhe súıiktisin betine qyshqyl shashamyn dep qorqytqan. Delfınarııda jumys isteıtin jigittiń kúkirt qyshqylyna qoljetimdi bolǵan.
Aqyrynda, polıseı qyzmetkerlerine shaǵymdanǵan Italıa sulýy olardan eshqandaı járdem almaǵan. Polısıa Horhege qyzǵa jaqyndamaýǵa talap qoıǵan.
Nátıjesinde, qańtar aıynda Djessıkaǵa shabýyl jasaldy. Kólikke otyra bergende artynan áldebireý kelip qyshqyldy betine shashyp jibergen.
«Men plasıkalyq bótelkeniń meniń betime tıgenin sezdim. Betim ysyp ketti. Terim janym bara jastaqndaı sezimde boldym. Áp-sátte kózim kórmeı qaldy. Ár ótken sekýnd ta qyshqyl meniń bet-álpetimdi jep bara jatqanyn sezdirdi»- deıdi qyz.
Djessıka: «Túni boıy duǵada boldy. Qudaıdan tek bir nárse suradym. Sulýlyqty da, bárin ala bersin, tek kózim kórmeı qalamasa eken. Aýrýhanada qaıta qalpyna keltirý bóliminen shyqqan soń aınaǵa qaradym. Betimniń bir jaǵy-jasyl, ekinshi jaǵy- qońyr bolyp turdy. Kózderime qaradym da bul áli de men ekenmin dep oıladym» deıdi.
Ózine keltirilgen zalaldy túsine otyra Djessıka Horheniń jazalanýyn qalamaıynyn jetkizdi. Onyń sózine qaraǵanda, óziniń ne búldirgenin kórý Horhe úshin eń aýyr jaza bolmaq.
Búgin Italıa sulýy aı saıyn £600 dárilerge jumsaıdy. Plasıkalyq ota jasaý úshin qyzǵa áli bir jyl kútý kerek. Kún kózine shyǵýǵa tyıym salynǵandyqtan, Djessıka ár jarty saǵat saıyn terisin dymqyldatady. Osyǵan qaramastan, Djessıka óziniń jaǵdaıyna shúkirshilik etedi. Áli de kóziniń kóretinine, án sala alatyny úshin Qudaıǵa rızashylyǵyn bildiredi.
