Ernest Hemıngýeıdiń aktrısa Marlen Dıtrıhke degen sezimin bildirgen ǵashyqtyq haty aýksıonǵa shyǵarylady, dep habarlaıdy Qamshy aqparattyq agenttigi.

Jergilikti BAQ-tyń málimetinshe, hattyń alǵashqy baǵasy 30 myń dollardan bastalady. Aýksıon 4 mamyrda Nú-Iorktegi Swan galereıasynda ótkiziledi.

Hemıngýeı 1952 jyly Dıtrıhke degen ystyq sezimge toly hatyn Kýbada turǵanda jazǵan eken. Budan bir jyl buryn aktrısa onyń sýretterin saqtap júrgenin moıyndaǵan.

Hemıngýeı men Dıtrıh 1934 jyly tanysyp, sol sátten bastap úzdiksiz hat alysyp júrgen. Solaı bola tura, jazýshy men aktrısanyń arasynda jaqyn qarym-qatynas bola qoımaǵan. Hemıngýeı óz hatynda ekeýin «mezgilsiz mahabbattyń qurbandary» dep ataǵan. Sondaı-aq, óziniń ystyq sezimin de jetkize otyryp, bylaı jazady: «Ótinemin, seni árdaıym súıip ótetinimdi bil. Keı kezderi sen jaıly oılaýdy umytyp ketemin, ol ýaqytta júregimniń de soǵyp turǵanyn umytamyn. Biraq ol úzdiksiz soǵyp turady».

Gollıvýd juldyzy men Nobel syılyǵynyń ıegeri arasyndaǵy mahabbat hattaryn urpaqtary kóp jyldar boıy saqtap kelgen. Dıtrıhtyń nemereleri sońǵy jyldary aktrısanyń jazýshydan alǵan hattaryn aýksıonǵa shyǵaryp úlgergen.