Qostanaı oblysynyń ákimi Arhımed Muhambetov Elbasy Nursultan Nazarbaevtyń joldaýynyń durys jetkizbegen sheneýnikterdi qatań synǵa aldy, dep jazady Qamshy aqparattyq agenttigi.

Qostanaı jańalyqtarynyń habarlaýynsha, oblys ákiminiń syny barlyq mekemelerdiń basshylary qatysqan jıynda aıtyldy. Oblystyq ishki saıasat bóliminiń basshysy Bıbigúl Aıtqojınanyń baıandamasynan keıin Arhımed Muhambetov Elbasynyń sózderi kórinbeıtin jerlerge ilingenin alǵa tartyp, qaıta qolǵa alýdy usyndy.

«Bannerlerdiń qaı jerde ilinip turǵany belgisiz. Biri, tipti, jeke sektorda ilinip tur. Qalanyń ortalyq kóshelerinde ish kıimder men sýsyndardyń jarnamalarynan basqa túk joq. Bul máseleni dereý sheshý kerek! Joldaý halyqqa kórinetin jerde ilinip turýy tıis» dep qatań eskertý jasady oblys ákimi.

Bunymen eskertý aıaqtala qoımady. Halyq aldynda Prezıdent joldaýynyń mańyzdy bólikteriniń durys jetkizilmeıtinin aıtty. Brıfıńterdiń formaldy ótetinin aıta otyryp, ujym aldynda naǵyz óz isiniń sheberleri sóıleý kerek ekenin eskertti. Sol kezde ǵana istiń mán-jaıy halyqqa durys jetetinine senimdi