"VKontakte" áleýmettik jelisiniń negizin qalaýshylardyń biri, "Telegram" messendjeriniń negizin qalaýshy Pavel Dýrov óziniń  "VKontakte"  áleýmettik jelisinde vırtýaldy dostar týraly óziniń pikirin bildirdi. Bul týraly Qamshy AA    life.ru-ǵa silteme jasap habarlaıdy.

Ol óziniń áleýmettik jelisinde dostarynyń barlyǵyn joıyp tastaýynyń sebebin bylaı dep túsindirdi: «Áleýmettik jelidegi dostar-2012 jylǵy qubylys.  Mundaı qarym-qatynas mánsiz jáne uzaq» dep baǵalady.

«Kerek adamdardyń barlyǵy messendjerlerde bar. Ózge adamdardyń jańalyqtaryn oqý- mıdy kereksiz aqpartpen toltyrý».

Sonymen birge, Dýrov eski nárselerden qol úzýden qoryqpaý qajettigin atap ótti. Ol eski ıdeıalar bolsyn, jumys orny bolsyn barlyǵynan bas tartýdan qoryqpaý qajet deıdi ol.

«Eń úzdik nárse- jaqsy nárseniń dushpany. Úzdik nársege jetýdegi basty kedergi- jaqsy nárseden bas tartpaý, ıaǵnı sizdiń qolyńyzda bar dúnıeden bas tartpaý»- deıdi ol sóz jazbasynda.

Aıta keteıik, Pavel Dýrov óziniń barlyq áleýmetik jelisinde dostaryn joıyp tastaǵan. Ony kópshilik birshama talqyǵa salyp, sókkender de, qoldaǵandar da tabyldy.