Keńes úkimetin Stalın bılep turǵan tusta onymen kezdespek túgili, atynan at úrketin.Onyń ysqyrǵan úskirigi boılarynda halqym dep  mazdaǵan otty óshire almaǵan qazaqtyń uldary qanshama. Aıtaıyn dep otyrǵanymyz bireýler úshin fashızmdi qulatqan uly tulǵa  bolsa, biz úshin sol tustaǵy qazaqtyń jylt etken úmit otyn tasqyn sýmen shaıǵan, demografıamyzdyń túbine balta shapqan zulmat dıktatordyń   qabyldaýynda bolyp, eliniń únin jetkizgen uly tulǵalar jaıynda.

Sáken Seıfýllın 1925 jyldyń 25 mamyrynda Stalınniń qabyldaýynda bolǵan.

1927 jylǵy 11 mamyrda Stalınniń aldynda bolǵan Álıhan Bókeıhan Sentrızdattyń ǵylymı qyzmetkeri retinde tirkelgen.

Sultanbek Qojanov Stalınniń qabyldaýynda jıi bolǵandardyń biri. Dálirek aıtsaq, Stalın ony 5 ret qabyldaǵan, al Goloshekındi bir-aq ret, 1927 jyly ǵana shaqyrtqan . Zamandastarynyń aıtýynsha, jıyn-toptarda Stalın Sultanbekke: «Eı, Shyńǵysqan!» dep onyń bettiligin, ótkirligin, alǵan betinen qaıta qoımaıtyn tabandylyǵyn esine salyp otyrady eken... Sultanbekti 1927 jyly 23 aqpanda qabyldaǵanda: «Ne máselemen?» degen suraqtyń tusynda «Tov. Stalın znaet» degen belginiń qoıylýy jaqyn tanystyǵyn, tipti, syılastyq senimin kórsetse kerek.

Smaǵul Sádýaqasov 1928 jylǵy 21 naýryzda qabyldaýǵa kirgen

1926 jylǵy 22 aqpanda Stalın Seıitqalı Meńdeshevti qabyldaǵan. 

Álibı Jangeldındi Stalın óz kabınetinde 1926 jylǵy 15 aqpanda qa­byldap, áńgimelesken.

Sábıt Muqanovty  Iosıf Stalın Kremldegi kabınetinde 1925 jyly 7 qańtarda qabyldaǵan.

Turar Rysqulov

Qyzyl jebe romanynan úzindi:

- Ruqsatpa? – dedi Rysqulov esik­tiń kózinde tu­ryp. Zal toly ha­lyqbastaryn buryp, kóz tik­­ti. Stalın únsiz qa­lyp, esik jaqqa kózin sy­ǵyraıta qarady da, qa­ra murty búlk etip:

-A, Túrkistannyń Shyń­­­ǵys­­­hany, tór­­let, - dedi.

- Tórge grýzınniń kná­zi otyryp qalǵan eken, ma­ǵan osy bir jer de je­ter, - dep Rysqulov al­ǵa ozyńqyrap, bir bos orynǵa baryp jaıǵasty.

 Daıyndaǵan: Arafat Derbesuly