2012 jyly 26 jastaǵy Djemma Holms úlken jol apatyna ushyrady. Aýrýhanaǵa jetkizilgen oǵan kóptegen ota jasatýǵa týra keledi. Mıy shaılady, omyrtqasy, aıaǵy synady. Dárigerler onyń aman qalatynyna senbeıdi. Djemma komaǵa túsedi.
Djemma tek úsh aıdan keıin ǵana komadan oıanady. Sol kezde adam nanǵysyz jaǵdaı oryn alady. Djemmanyń ishinde birnárse ósip kele jatady. Ol júktiliktiń 4-aıynda eken. Alaıda Djemma esin joǵaltyp alǵandyqtap, óziniń sońǵy 3 jyldaǵy ómirin eske túsire almaıdy, balasynyń ákesi kim ekenin de bilmeıdi.
Dárigerler Djemmaǵa balany aldyrtýdy usynady. Sebebi balany bosaný onyń sol kezdegi jaǵdaıy úshin aýyr edi. Áıeldiń aǵzasy úshin bala bosany tym qaýipti edi. Barlyǵy Djemmanyń balasynan bas tartýy durys dep oılady jáne ol solaı jasaıtynyna senimdi edi.
«Maǵan eger qalasańyz balany aldyrtýyńyzǵa bolady dedi. Biraq men balamnyń ishimde ósip kele jatqanyn sezdim. Óte aýyr boldy. Men tipti ózime qaraıtyndaı hálde bolmadym. Alaıda bul balanyń meniń boıyma bitkeni men onyń mynadaı sumdyq jol apatynan keıin aman qalýy erekshe jaǵdaı ekenine sendim»- deıdi áıel.
Barlyq ótkeretin aýyrtpalyqtardy túsine otyryp Djemma balany qaldyrýǵa sheshim qabyldaıdy. 2013 jyly dárigerler Djemmaǵa túrli jeńildetetin dári-dármekter arqyly balany aman-esen dúnıege ákelýine járdemdesedi.
Djemmaǵa bosanǵan soń taǵy birneshe ota jasatýǵa týra keledi. Biraq Rýben esimdi balasy onyń qıyndyqtaryn jeńildetedi. Óziniń aýyr jaǵdaıda bolýyna qaramastan Djemma osyndaı erlik áreketke barǵan. Bul tek naǵyz analardyń ǵana qolynan keletin is.
