Manchesterdegi teraktiden keıin aýrýhanalarda adam sany kún sanap kóbeıýde. Sol oqıǵadan soń aýrýhanaǵa 6 jastaǵy Djozef esimdi bala keledi. Biraq ol emdelý úshin emes, em alýshylarǵa kómek berý úshin kelgen. Ol aýyr jaǵdaıda jatqan adamdar úshin, qan tapsyrǵysy keletinin aıtqan. Alaıda ol 6 jasta bolǵandyqtan, dárigerler qan tapsyra almaıtyndyǵyn jetkizipti. Sol ýaqytta bala qatty renjip, jylaǵan kórinedi. Sol ýaqytta anasy zardap shegýshilerge kómektesip júrgen medbıkeler men dárigerlerge tátti shokolad berip, alǵys aıtýǵa keńes beredi.

Olar birge dúkenge baryp, kóptegen shokalad satyp alady. Djozef aýrýhanaǵa kelip medbıkeler men dárigerlerge alǵys bildirip, shokalad bergende medbıkeler kózderine jas aldy. Djozef aýrýhana qyzmetkerleriniń barlyǵyna, tipti kúzetshige de shokalad bergen bolatyn.

Aıta ketetin bolsaq, 23 mamyr kúni Manchester qalasynda konsert kezinde jarylys boldy. Jarylystan 22 adam qaza taýyp, 60-tan astamy jaraqattanǵan bolatyn. 

Aýdarǵan: Ásel Óteshova