1936 jyly aǵylshyn jazýshysy Dorotı Brand «Oıan jáne ómir súr» («Wake Up and Live») kitabynda mıdyń qalypty jumys jasaýy úshin aqyl-keńesin usynǵan. Bul jattyǵýlar sizdi ózińizge unamyz ortadan alyp shyǵýǵa septigin tıgizedi dep jazady Qamshy aqparattyq agenttigi muslim.kz-ke silteme jasaı otyryp.
Sonymen mıyńyzǵa jattyǵýdy jasaýǵa kóshelik.
1. Kúnine bir saǵat ýaqytyńyzdy artyq sóz sóılemeı, tek týra jaýap berýge arnańyz. Ári ortańyzǵa ózińizdiń kóńildi ne kóńilsiz jaǵdaıda ekenińizdi bildirtpeńiz. Ózińizdi salqynqandy ustańyz.
2. Kúnine jarty saǵat tek qana bir zatty oılańyz. Ol zat siz úshin baǵaly bolǵany abzal. Basqa eshbir dúnıege bas qatyrmańyz, tek sol baǵaly zatty oılaýǵa tyrysyńyz.
3. Kúnine on bes mınýt ýaqyt ishinde «men, maǵan, meniń» deıtin sózderdi paıdalanbaı sóılesińiz.
4. Kúnine kez kelgen bir ǵımaratqa kóz salyp, ondaǵy adamdardyń kóptigine qarap ǵımarattyń ólshemin jáne adamdardyń sanyna mán berińiz. İshteı esep jasap turyńyz.
5. Jańadan tanysqan dosyńyzǵa ózi jaıynda ǵana aqparat berýin qadaǵalańyz. Siz óz jaıyńyzda eshqandaı syr bermeńiz, ári sózdiń baǵyty sizge aýysyp bara jatsa suraqtar arqyly dosyńyzdyń tek óz týrasynda sóıleýine jol ashyńyz. Muny, tipti, onyń ózine de bildirtpeńiz.
6. Ózińiz jaıynda maqtanbaı, aryzdanbaı jáne janyńyzdaǵy áriptesińizdi qajytyp almaı aıta alýǵa daǵdylanyńyz.
7. Kúnine jospar jasańyz. Biraq bul jospardyń ereksheligi kúnine eki saǵatqa ǵana sozylsyn. Sol eki saǵat ishinde eshteńege alańdamaı jasaǵan josparyńyz boıynsha ǵana áreket etińiz.
8. Ózińizge arnalǵan on eki túrli kezdeısoq jaǵdaılar jasańyz. Jáne kúndelikti jasap turyńyz. Máselen, úıge deıin jıyrma shaqyrym joldy eshbir kóliksiz jaıaý barý sekildi. Nemese on eki saǵat boıyna tamaqtanbaı júrý. Kele jatyp ózińiz kútpegen, josparlamaǵan jerden tamaqtana salý syndy áreketterdi jasańyz.
9. Apta ishinen bir kúndi tańdap alyp, kúni boıyna «ıá» dep qana jaýap berińiz. Kez kelgen usynys pen suraqqa «ıá» dep jaýap berińiz.
Bul jattyǵýlar sizdiń mıyńyzdyń qalypty ári belsendi jumys jasaýy úshin paıdaly. Synap kórińiz!
Sholýshy: Ásel Óteshova
