Naǵyz mahabbat pen adaldyq keıbirine ertegide ǵana bolatyndaı kóriner. Jo-joq, ómirde de bar... Japondyq ǵashyqtardyń mahabbat hıkaıasy osyǵan dálel.
2007 jyly qos ǵashyq úılený toılarynyń kúnin belgileıdi. Alaıda ataýly kúnge 3 aı qalǵanda jigit toı agenttigine habarlasyp, ýaqytyn keıinge qaldyratyndaryn aıtqan. Sóıtip jyldar óte berdi.
2014 jyly toı agenttigine taǵy qońyraý shalyndy. Bul jolǵy oqıǵa múldem basqa edi, ol Japonıa jurtyn ǵana emes, búkil álemdi jylatty.
Hısashı Nıshızava men Maı Nakahara 10 jyldan astam ýaqyt qyz ben jigit bolyp aralasyp júrdi. Úlıenýge bel baılap, 2007 jyldyń naýryzyna toı kúnderin belgilemek bolady. Bári oıdaǵydaı edi, biraq kenetten daýyl soqty.
Toıǵa úsh kún qalǵanda Maıdiń áreketi oǵash kórindi. Ne istep, ne qoıǵanyn umytyp qalatyn kúıge tústi, túnderde ózimen-ózi jylaıtyn boldy, tipti aıqaıǵa basatyn. Sóıtip ony aýrýhanaǵa, ol jerden psıhıatrıaalyq bólimge apardy.
Al úsh kúnnen soń jaǵdaıy tym múshkil bolady. Aıaq asty júregi toqtap qalǵan Maıdi dárigerler qıyndyqpen aman alyp qalǵan. Bul jaǵdaıdan soń Hısashı toı ortalyǵyna habralasyp, toıdy keıinge qaldyrdy. Maı bolsa júregi toqtaǵan qalpy oıanbady, komada jatqan edi.
Kúıeý jigit qalyńdyǵy oıanǵansha kútýge uıǵarady. Arada birneshe aılar ótedi, Maı kózin ashar emes. Jigit kún saıyn qyzǵa baryp, bos ýaqytyn súıiktisiniń janynda ótkizip júrdi. Onymen sóılesti, súıikti áýenderin qoıyp berdi, jıi massaj jasap júrdi.
Tek 5 aı ótken soń dárigerler naqty dıagnoz qoıady. Maı analyq bez qaterli isigine shaldyqqan eken.Onyń aǵzasyn jaýlaǵan aýrý júıke júıesine qarsy jumys istep, mıynyń jumysyna kedergi keltirgen. İsik operasıa arqyly dereý alyndy. Qyz da oıanýy kerek edi, alaıda jyldar óte berdi. Maıa es-tússiz qalpy jata berdi.
Hısashıge ózge qyzdy izde degen aqyldar kóp aıtyldy, biraq jigit súıiktisin kútetinin, onyń oıanatynynan úmitti ekenin aıtyp, kútýin jalǵastyrdy.
Jarty jyldan soń Maı oıandy. Alǵashynda eshkimdi tanymady, eshnársege áser de bermedi. Vegetatıvti qalypta qaldy. Al Hısashı kelýin toqtatqan joq. Súıiktisi kúnderdiń birinde ony mindetti túrde esine túsiretinine sendi, árdaıym janynda boldy.
Ne kerek, ǵajaıyp tek 3 jyldan keıin biraq ornady. Hısashıdi kórgen saıyn Maıdiń júzi kúlkige úıiriletin. Jigittiń kópten kútken armany oryndaldy. Maı de óz qalpyna kele bastady. 8 jyl tósekke tańýly bolǵandyqtan júrip ketýi múmkin emes edi. Biraq Maı toı kúni ózim júretin bolamyn dep óz-ózine sert berdi. 8 jyl ótken soń 2014 jyly qos ǵashyq toı kúnin belgileýge taǵy keldi.
21 jeltoqsanda ekeýi shańyraq qurady. Maı úshán kúresken barlyq jandar toıdyń qadirli qonaǵy sanaldy. 8 jylda boıynda jınalyp qalǵan qyzdyń sezimi sol kúni syrtqa shyqty, Maı qýanyshtan egile jylady.
Birneshe jyl komada jatqanyna qaramastan jigit súıiktisinen bir sátke de alshaqtaǵan joq, onyń jazylyp, aıaǵyna tik turyp keterine jan-tánimen sendi. Qyzdy shyn súıip, kúıeýi atanatyn kúndi kútti. Bul mahabbat hıkaıasy bar álemdi jylatty, BAQ ókilderi jarysa jazdy. Keıin qos ǵashyq jaıynda kitap ta jaryq kórdi.
Sholýshy: Sabına Ramazan
