Balanyń ata-anasy onyń tolyqqandy ómir súrýi úshin operasıaǵa qarajat jınap úlgere almady.

AQSH-ta murynsyz dúnıege kelgen 2 jasar Tımotı Elı Tompson ómirden ótti. Onyń ólimi jaıynda ákesi Djeremı Frınch óziniń Feısbýk paraqshasynda jazdy.

«Ótken túni kishkentaı balamyzdan aıyryldyq. Jaǵdaıdyń nege dál osylaı bolǵanyn túsingim keledi, janym aýryp barady. Biraq meniń dál Elı sekildi súıkimdi balaqaıym bolǵanyna qýanamyn», dep jazdy Djeremı.

Arınıa – sırek kezdesetin patologıa, ıaǵnı jartylaı nemese tolyqtaı murynsyz bolý. Ol 197 mıllıon sábıdiń bireýinde ǵana kezdesedi, al Elımen qatar álemde 36 bala murynsyz týǵan.

Týǵan kúninen keıin 5 kún ótken soń Elı Tompsonnyń tynystaýy jeńil bolýy úshin keńirdegin kesti. Ata-anasy ár kún saıyn balanyń jaǵdaıyn baqylaýmen boldy.

Dárigerler balaǵa muryn «syılaýǵa» daıyn edi, alaıda ata-anasy operasıaǵa qarajat jınap úlgermedi.

Sholýshy: Sabına Ramazan