Amýr oblysy Tyndın aýdanynyń turǵyny jaqynda ǵana jóndelgenimen joldyń ormanmen bitip qalatyn bóligin vıdeoǵa túsirip, áleýmettik jelige jarıalady, dep jazady Qamshy aqparattyq agenttigi Amýr jańalyqtar qyzmetine silteme jasap.

Qaýipti trassa Solovevsk aýylynda ornalasqan. Vıdeo avtory dál osy jolda kóp jaǵdaıda jol apattarynyń oryn alatynyn aıtty. Qatty jyldamdyqpen júıtkip kele jatqan kólikter orman ishine qaraı «ushyp» ketetin kórinedi.

«Amýr jańalyqtar qyzmeti» óńirlik portalynyń habarlaýynsha, A-360 «Lena» trassasynyń bul bóligi 2016 jyly paıdalanýǵa berilgen eken. Jol qyzmetiniń ókilderi «tyǵyryq jol» bolashaqta osy jerdi túzetý maqsatynda qaldyrylǵanyn aıtyp aqtaldy jáne kólik júrgizýshileri úshin tyǵyryq ekenin kórsetetin arnaıy belgiler ornatatyndaryna ýáde berdi.

Sholýshy: Gúlim Jaqan