Birneshe jyl buryn 61 jastaǵy dánekerleýshi Pol Geılordtyń ómirine qaýip tóndi. Súıikti úı janýary onyń ólimine sebepker bola jazdaǵan. Poldyń mysyǵy tyshqan aýlap ormanǵa jıi ketip qalatyn. Poldyń ony asyrap alǵanyna kóp ýaqyt boldy. Bir kúni mysyǵy birdeńege shashalyp jatqanyn kórgen Pol oǵan kómektespek bolady. Ol ıesin tistep, qashyp ketedi. Birneshe ýaqyttan keıin dánekerleýshi mysyqty óli kúıinde taýyp aldy. Mysyq bir aýrýdan ólip qalǵandaı kórindi.

Ol dert birneshe kúnnen keıin Poldyń da ómirine qaýip tóndirdi. Onyń dene qyzýy kóterilip ketti. Qoltyǵynyń astynda lımonmen birdeı bolatyn isik shyqqannan keıin týystary ony birden aýrýhanaǵa jetkizdi.

Dárigerler ony qarap shyqqannan keıin ortaǵasyrda «Qara ólim» dep atalyp ketken býbon obasyna shaldyqqanyn anyqtady. Pol birden aýrýhanaǵa barmaǵan. Sonyń saldarynan ómirimen qosh aıtysa jazdady. Pol 27 kúnde komada jatty.

Poldyń ishki aǵzasy birinen keıin biri óz qyzmetin toqtatty. Bir aptadan astam ýaqyt ony jasandy búırek pen ókpege qosty. Birneshe márte júregi de toqtap qaldy. Dárigerler ony óledi dep oılady. Alaıda Poldyń aǵzasy mundaı synaqqa tótep bere aldy.

Dárigerler onyń jasýshalary ólip qalǵan  aıaq pen qolynyń saýsaqtaryn kesip tastady.

Pol obanyń úsh kezeńin de jeńip shyǵa alǵan az adamdardyń biri. Er adam bir ǵajaıyppen tiri qalǵanyn aıtady. 21-shi ǵasyrda medısına qaryshty qadammen alǵa jyljyp, damyǵanymen bul aýrý áli kúnge deıin úlken qaýip tóndirip otyr.

Múgedektigine baılanysty zeınetke shyqqan dánekerleýshi tiri qalǵanyna qýanyshty ekenin aıtady. Ol kóp ýaqytyn otbasymen, dostarymen ótkizedi. Qazir úı janýaryn ustamaıdy. Keshkisin garajynda pyshaq daıyndaýmen aınalysady. Qolyndaǵy saýsaqtarynyń joqtyǵy onyń eńbek etip óz nápáqasyn tabýyna kedergi keltirip jatqan joq.

Atalmysh aýrýdy kóbine kemirgishter taratady.

Daıyndaǵan: Ásem Álmuhanbet