32 jastaǵy brıtandyq áıel bala kezinde óziniń týys aǵasynyń tarapynan zorlyq kórgen. Sol isi úshin túrmege qamalǵan aǵasy merziminen buryn bosatyldy, al arnaıy organdar áıelge bul jaıynda habarlamaǵan. Túrmege qamalmaı turyp aǵasy aıaq asty lotereıadan utys utyp, baı bolyp shyǵa kelgen edi. Al kóńilinde jarasy qalyp qoıǵan áıel bolsa qalaı da kegin qaıtarmaqshy bolyp, aǵasynyń úıin órteıdi.

Aqyry bul isi sátti aıaqtalmaı, áıelge qylmystyq is qozǵalady.

Ýels kompanıasyn basqaratyn Djýlı Barnett esimdi kásipker áıel 8 jasynda týys aǵasy Devıl Dıastyń tarapynan kórgen qasiretin búgingi kúnge deıin ishinde túıip kelgenin aıtady. Kúıeýi jáne eki balasymen baqytty otbasylyq ǵumyr keshkenimen ótkeni onyń boıyna tusaýdaı baılanyp alǵan. Sol kezdegi qasireti áli kúnge deıin kóz aldynda.

Óz jıeni men ózge de oqýshy qyzdardy qorlaǵan pedofıl 15 jylǵa túrmege qamalady. Budan toǵyz jyl buryn Dıas lotereıadan 8 mln. fýnt utyp, baıyp alǵan edi. Asqan baılyǵynyń arqasynda túrmeden 5 jylǵa erte shyǵady.

Dıas túrmeden shyqqanymen baqylaý qyzmeti Barnettke zań boıysha habarlaýy tıis edi, alaıda áıel bul jaıynda kesh bildi. Óz otbasyn qorǵaý maqsatynda zorlyqshyny da qınamaqshy bolady. Sóıtip aǵasynyń úıin órteýge bel baılaıdy. Ol ýaqytta úıdiń ishinde eshkim bolmǵan, órt te ǵımaratty túgeldeı jaılap úlgermedi.

Pedofıldiń qurbany bolǵan áıelge qylmystyq is qozǵaldy. Biraq Femıda qyzmetkerleri Djýlıdiń bala kezdegi aǵasy tarapynan kórgen qasiretin eskerip, túrmedegi merzimin 1 jyl etip taǵaıyndaıdy. Barnett istegen isine ókinetinin aıtty, sondaı-aq jumysyn durys atqarmaǵan zardap shegýshi adamdardy qorǵaý máselelerimen aınalysatyn arnaıy qyzmetkerlerdi de aıyptady.

Sholýshy: Gúlim Jaqan