«Sınıı kıt» oıynynyń ornyna «Rozovaıa Feıa», «Sobachıı kaıf» jáne tyrtyq qaldyrý kvesteri paıda boldy

Búginde jasóspirimderdiń arasynda arty ólimge alyp keletin oıyndar keńinen tarap ketti. Kóktemde bári «Sınıı kıt» degen oıynnan keıin ózderine qol jumsasa , búginde ýkraındyq balalar «Rozovaıa feıa» men «Sobachıı kaıf» oıyndaryna qyzýǵyshylyq bildirýde dep jazady Qamshy aqparattyq agenttigi

Balalardyń atyshýly oıyndarmen oınap ataqqa ıe bolǵysy kelse, tyrtyq arqyly ózgelerdi ǵashyq qyldyrmaqshy ekeni belgili boldy

«Rozovaıa feıa»

12 jastaǵy óspirimderge arnalǵan «Sınıı kıt» tektes «Kvest Feı Vınks» oıyny óz aýdıtorıasyn tez jınady. Bul oıynǵa ilikkenderdiń kóbisi qyzdar. Árıne, ár kishkentaı qyzdyń armany – meıirimdi jáne ádemi perızat bolý. Bul oıyn kompúterler men planshetterde de bar. Bir qaraǵanda, súıkimdi, ádemi, esh zıany joq perızattardan jamandyq kútpeısiń. Biraq, kvestke ilikkender qanshama? Oıynnyń birinshi tapsyrmasy: terezege jaqyndap, tómendende ne turǵanyń aıtyp berý. Al sońǵy tapsyrmasy: túnde bári uıqtap jatqanda oıanyp, kerýetindi 3 ret aınalyp, dýany aıtý. Keıin as úıge baryp, sirińkeni jandyrmaı, gazdy qosyp ári qaraı uıyqtaý. Tańerteń perızat bolyp oıaný úshin barlyq sharttardy oryndaýy tıis. Bári  balalardy bul úlken qupıa ekenine sendirýden bastalady.

Tyrtyq qaldyrý

Ýkraınanyń jasóspirim qyzdarynda denelerin neshetúrli tyrtyqtarmen bezendirý sánge aınaldy. Balalar tyrtyq qaldyrýdy tatýdan qaraǵanda áldeqaıda kúshti ekeniń aıtady. Lezvıamen, pyshaqpen tilimdelgen jerleri bar bala, óz ortasynda erekshelenip, batyldyqtyn belgisin kórsetedi. Qyz balalar tyrtyqtardy jigitterdi ózińe qaratý úshin jasaıdy eken. Olardyń túsinigi boıynsha: eger mende tyrtyq bolsa, meni naǵyz batyl, eseıgen qyz dep oılaıdy deıdi.

«Sobachıı kaıf»

Tyrtyq qaldyrýdan basqa 9-12 jas aralyqtaǵy balalarda  tanymal úrdisterdiń birine aınalǵan "ózine fızıkalyq aýyrlyq kórsetý"  tásilderdi de bar. Mysaly: «Sobachıı kaıf», ózin sharfpen qylqyndyrý jáne ózge adam qabyrǵaǵa taqap, keýdendi bar kúshimen ıterý degen sekildi. Maqsaty: talyp qalý kezinde «basqa ómirdi kórý» jáne «astralǵa kirý». Osyndaı oıyndarmen oınap kórmegen bala óz qatarlastarynyń arasynda «lýzer» degen ataqqa ıe bolady.

Sholýshy: Almıra ASLANOVA