Mıssýrı shtatynyń turǵyny Tres Djonsonnyń jasy 13-te. Ol dúnıe esigin ashqanda dárigerler Tres uzaq ómir súrmeıdi dep oılady. Onyń áli kúnge deıin ómir súrip jatqanyn ǵajaıypqa balaıdy. Onyń ata-anasy Brendı men Djoshýa balasynyń ómiri úshin kúresti bir sátke de toqtatpaǵan.

Tres Djonsonda bas súıegi qaıtalanýy bar.Tres bul  dıagnozben ómir súrip jatqan jalǵyz adam. Atalmysh aýrýǵa shaldyqqan 36 bala dúnıe esigin asha salysymen shetinep ketken.  

«Tres osydan keıin ońalmaıtyn shyǵar dep kúder úzgen sátterimiz óte kóp boldy. Tipti sanaqtan jańylamyn. Jaqynda 13-ke toldy.  Alda bizdi kúndelikti kúres kútip túr» deıdi Tresiń anasy Brendı.

SHH aqýyzy bas súıeginiń qaıtalanýyna ákelip soǵady. Ol bas súıegi men bet álpetiniń qalybyn ózgertedi. Tres betiniń ortasyndaǵy jaryqpen, normadan tys bas pishinimen jáne kognıtıvtik irkilispen dúnıege kelgen. Jıi ustamasy ustap qalady. Medısınalyq  esirtkini paıdalanǵannan keıin ustama kúnine 400-den 40-qa qysqardy. Treske betiniń jarylýyn boldyrmaýy úshin birneshe operasıa jasalǵan.

Tresiń ata-anasy 13 jylda balasyna qatysty jan shoshyrlyq usynystardy estidi.  Onyń ishinde Tresi óltirý de bar. Alaıda Brendı men Djoshýa balasyn maqtan tutatynyn jáne onyń syrt kelbeti qandaı ekeni qyzyqtyrmaıtynyn aıtady. Aýrýyna qaramastan bala otyra alady. Desek te, basyndaǵy isiktiń kesirinen oılaý deńgeıi óz jasyna saı emes.

Sholýshy: Sabına Ramazan