Gımnastıkalyq klýb qyzmetkerleri álgi terrorıstiń balalardyń mıyn ýlap tastamady ma eken dep ýaıymdap otyr.

Senbiden jeksenbige qaraǵan túni Londaonda oryn alǵan teraktini uıymdastyrýshylardyń biri Iosef Zagba 2016 jyldan beri gımnastıkalyq klýbta balalardy jattyqtyrǵan eken, dep habarlaıdy Qamshy aqparattyq agenttigi sheteldik The Sun basylymyna silteme jasap.

Zagba Daganhamedegi Catleaps Gymnastics sport klýbynda jumys istegen. BAQ-tyń málimetinshe, jumysqa eshqandaı da tekserýsiz alynǵan. Klýb qyzmetkerleri Zagbanyń osy jyldyń aqpan aıynan bastap jumysqa múldem kelmegenin aıtty.

«Biz ýaıymdap otyrmyz. Ol balalarymyzdyń mıyn ýlap ketýi múmkin ǵoı. Biz odan da zoryn isteı alatyn edik» deıdi klýb qyzmetkeri.

Eske sala keteıik, 4 maýsym kúni Londondaǵy kópir men Boro saýda ortalyǵynyń mańynda oryn alǵan teraktiniń saldarynan 7 adam qaza tapqan. Teraktini uıymdastyrýshylardyń qatarynda Iosef Zagba, Pákistan týmalary Gýram Shazad Batt pen Rashıd Redýan boldy. Terrorısterdiń bári sol túni-aq quryqtalǵan.
 

Sholýshy: Gúlim Jaqan