Bacha-bazı parsy tilinen aýdarǵanda balamen oınaý nemese balalardyń oıyny degen maǵynany bildiredi. Bul aýǵan eliniń eń súıikti «oıyndarynyń» biri.  11 men 18 jas aralyǵyndaǵy jasóspirimderge áıeldiń kıimin kıgizip, erler qaýymynyń aldynda bıleýge májbúrleıdi. Bala úshin kóp aqsha bergen erkek onymen bir tún ótkizedi. Túsken aqshanyń kishkene bóligin balaǵa beredi.

Mundaı azǵyndardyń qurbandary kóbine ata-anasy joq, kóshede qaıyr surap júrgen balalar bolady.

Qaltaly aýǵandyqtar bacha-bazı balalardy ózimin birge alyp júredi. Osylaısha óziniń joǵary mansabyn kórsetkisi keledi eken.

Balalardyń ózi mundaı kásipti árqalaı qabyldaıdy. İshinde bedeldi adamdarmen jaqsy qarym-qatynas ornatý arqyly jetistikke jetýdiń joly dep biletinderi de bar eken. Qaltaly adamdar bacha-bazı balany jumysqa ornalastyryp, keıde oqytqan kezderi de  bolǵan. Alaıda atalmysh balalardyń kóbi bala kezinen psıhologıalyq turǵyda aýyr soqqy alǵandyqtan, ómirleri týraly mundaı aqparatty jarıalamaýdy qalaıdy. Aýǵanstanda bacha-bazı balalardy óltirip tastaǵan sátter óte kóp bolǵan.

Aýǵanstan zańy bacha-bazıǵa tyıym salǵan. Halyq munyń úlken qylmys ekenin aıtyp, polıseılerden bul bassyzdyqty toqtatýyn suraıdy. Alaıda zań kóp jaǵdaıda oryndala bermeıdi.

Sholýshy: Sabına Ramazan