Ár ata-ana úshin balasynyń ólimi aýyr soqqy ekeni aıdan anyq. Psıhologtardyń aıtýynsha, balasynan aıyrylǵandar kóp jaǵdaıda ózderin tyǵyryqqa tirelgendeı sezinip, ary qaraı ómir súrý úshin kúshti qaıdan alatynyn oılap dal bolady. Biri ońalsa, endi biri ómir boıy depressıada bolady eken.

Sındı Mettıstiń 16 jastaǵy Meısı esimdi qyzy jol apatynda kóz jumdy. Alaıda birneshe ýaqyt ótkennen keıin anasy qyzynyń jazǵan zatyn taýyp alady.

Meısı otbasynda tuńǵysh bala. Ony otbasyndaǵylar qaljyndap «ekinshi ana» dep ataıtyn. Ol úsh inisine bas kóz bolyp, sabaqtaryn qadaǵalap, tamaqtaryn berip, qaraılasatyn. Dostary Meısıdi meıirimdi, shyǵarmashylyqqa jaqyn adam retinde sýretteıdi. Anasy týǵan kúninde Máısıdiń oǵan jazǵan bir býma hatyn taýyp alady. 

Onyń árqaısysynda «hatty...» ary qaraı - «...meni saǵynǵanda», «...qýanǵanda», «...jalǵyzsyraǵanda», «...uıyqtaı almaı jatqanda» dep bólip qoıǵan.

Sol hattardyń biri mynaý:

«Janym, anashym!

Uıyqtaı almaı jatqanyń ókinishti. Birdeńege qapalanǵannan, ýaıymnan nemese jaman oılardyń saldarynan  emes dep úmittenemin. Men seni jaqsy kóretinimdi bilgenińdi qalaımyn. Bálkim, saǵan muny jıi aıtpaǵan shyǵarmyn. Sol úshin qazir maǵan renjip otyrǵan bolarsyń. Biraq esińnen shyǵarma, sen meniń ómirimdegi eń qymbat, eń jaqyn jáne eń súıikti jandarymnyń birisiń. Seniń jaǵdaıyń jaqsy ekenine sengim keledi. Men eshqashan seniń oıyńdy oqı almaǵanmyn. Meniń bar qalaıtynym seniń baqytty bolýyń. Men seni jaqsy kóremin. Uıyqtaı ǵoı, janym. Tátti túster kór» dep aıaqtaıdy hatyn Meısı.

«Bul hattardyń maǵan qalaı kómekteskenin Mesı bilse ǵoı» dep kózine jas aldy anasy.

«...Meni saǵynǵanda» degen taqyryppen turǵan hatta bylaı dep jazylǵan:

«Saǵyndyryp jatqanyma keshirim suraımyn. Qaıda bolsań da, ne isteseń de jaǵdaıyń jaqsy dep úmittenemin. Eger qazir qıyn sátterdi bastan ótkerip jatsań nemese boıyńdy kúdik pen qorqynysh bılese seni jaqsy kóretinimdi jáne ómir boıy jaqsy kórip ótetinimdi bil» dep jazdy qyzy.

Sholýshy: Sabına Ramazan