Sońǵy 40 jyl boıy qolyn kótergen kúıinde ustap júrgen monahtyń esimi Amar Bhartı.  Qazirgi tańdaǵy jalǵyz áýlıe atanyp, dinshil úndilikterdiń sımvolyna aınalypty.  Ol óziniń tabynatyn Qudaıynyń qurmetine qolyn kóterip, qulshylyq etetin kórinedi.

Osydan 40 jyl buryn Amar  Bhartı jubaıy men bala-shaǵasy bar, qarapaıym adam bolatyn. Sol kezde onyń jumysy, otbasyn asyraýǵa jetetindeı qalypty jalaqysy da bolǵan.

Alaıda bir túni onyń dúnıege degen kózqarasy ózgerip, dúnıetanymy da ózgelerge qaraǵanda erekshelendi. Sol túni uıqydan tura salysymen otbasyna qaramaı, óziniń Shıv atty qudaıyna qulshylyq ete bastaıdy.

Qarapaıym kıim kıgen monah, Úndistan elin sharlap, qaıyrshylyq kún keship júrip, duǵa jasaıdy eken. Keıin ol tolyqtaı jańarý maqsatynda qulshylyqtyń jańa túrin oılap tapqysy kelgen.  Sóıtip ol oń qolyn kóterip, ony eshqashan túsirmeýge baılanysty sheshim qabyldaıdy.

Qazir onyń qoly jaramsyz bolyp qalǵan. Amar qolyn qansha qozǵaltqysy kelse de olaı jasaı almaıdy. «Kıeli» qoldyń tyrnaqtary osyǵan deıin alynbaǵan. Onyń aǵzasy qolynyń aýyrǵanyna úırenip ketken. 

Daıyndaǵan: Ásel Óteshova