Balasynan aırylý qaı ata-anaǵa bolsyn aýyr bolatyn sózsiz. Kez-kelgen ana áli týylmaǵan balasyn asyǵa kútip, onyń kıimderin daıyndap, kún sanap júredi. Alaıda sonsha kútken balasy óli týylǵan kezde ana júreginiń qars aırylyp, qandaı kúıge dýshar bolatynyn tipti kóz aldyna elestete de, dál sol qınalǵan anadaı sezine de almaısyz. Ári óz balasynyń óli týylýyna adamı faktor kesirin tıgizetin bolsa, ol adamdy ómir baqı keshirmeı ótetini anyq.
Igor men Olesá óz balasynan aırylǵandaryna áli kúnge deıin sene almaı júr. Olar balasynan dárigerlerdiń nemquraılyǵynyń kesirinen aıryldy. Sábıinen aırylǵan Olesányń alǵashqy júktilik ýaqyty jaqsy ótip jatty. Ol ýaqytyly dárigerlerge kórinip júrdi, al dárigerler barlyǵy jaqsy ekenin aıtyp qýantyp júrgen.
Alaıda 41-aptada aıaq astynan onyń ishi qatty aýyryp, dárigerlerge tekserilý úshin aýrýhanaǵa barypty. Biraq dárigerler esh qınalmastan, densaýlyǵynda eshqandaı kinárat tappadyq , No-shpa dárisin qabylda dep keńes bergen. Sonymen birge dárigerler kez-kelgen aýyrsyný kezinde bolmaıtyn nársege ózderin mazalamaýyn eskertken.
Olesányń aýyrsynýy azdap basylǵanymen, biraz kúnnen keıin balasyn aýyr jaǵdaıda dúnıege ákelgen. Alǵashynda jalǵan tolǵaq dep belgisiz dáriler berip, tolǵaqty toqatatyn ekpe salǵan. Soden keıin dárigerlerler esh qınalmastan «Sábıińizdiń jaǵdaıy tym aýyr. Onyń ómir súrýi múmkin emes. Tipti tańǵa deıin shydamaýy múmkin»,-depti. Qandaı tasjúrek adam osyndaı sózderdi aıta alady?! Osy jaǵdaıdan keıin baıǵus anaǵa eshqandaı psıhologıalyq kómek te kórsetilmegen eken. Sábıinen aırylǵan ata-anaǵa bas dáriger: «Eshteńe etpeıdi, áli jassyńdar. Talaı balany dúnıege ákelesińder», - depti.
Sodan keıin ata-anasy balasynyń denesin alyp ketip ózderi jerlepti. Osy iske baılanysty tergeý isteri júrgizilip jatyr.
Aýdarǵan: Ásel Óteshova
