Shotlandıada oqýshylardy jolǵa shyǵyp óli kúıinde jatýǵa májbúrlegen, dep jazady Qamshy aqparattyq agenttigi. Osyndaı erekshe ádispen mektep basshylyǵy kólik júrgizýshilerine jol erejesin saqtaýdy, bala ómirine qaýip tóndiretin áreketterden aýlaq bolýdy úıretpek. Alaıda muǵalimderdiń bul qylyǵyn turǵyndardyń kóbi qoldaı qoımady.
Sheteldik BAQ-tyń málimetinshe, Shotlandıanyń Aloa qalasynda ondaǵan oqýshysy kólik júretin joldyń boıyna óli adamdaı jatyp alǵan. Sońǵy kezderi qalada kólik júrgizýshilerdiń qurbanyna aınalǵan oqýshylar men stýdentterdiń sany jıilep ketken. Osyny eskergen mektep basshylyǵy lajsyzdan osyndaı qadamǵa barǵan kórinedi.
Aksıa uıymdastyrýshylarynyń boljamynsha, jol boıynda jatqan balalardyń óli denesi kólik júrgizýshilerin oılandyrýy tıis. Alaıda ata-analar balalarynyń atalmysh aksıaǵa qatysýyna túbegeıli qarsylyq tanytyp otyr. Sonymen qosa qaladaǵy jazataıym oqıǵalardyń aldyn alý qaýymdastyǵy da aksıanyń ótýine qarsy.
