Er adam kóligimen úıge qaıtyp kele jatady. Aýyr jumys kúninen keıin er adam tezirek úıge jetip, demalýdy qalaıdy. Qyrsyqqanda jolda keptelis bastaldy. Jaqyn mańdaǵy kishkentaı kóshege buryp, er adam jyldamdyqty asyrady. Bir ýaqytta kishkentaı balanyń sulbasy kórindi. Er adam birden tejegishti basyp, kólikten atyp shyqty. Ol qazir ǵana balany qaǵyp ketti. Er adam balany kóliktiń artqy oryndyǵyna jatqyzyp, jaqyn mańdaǵy aýrýhanaǵa júıtkı jóneledi. Ol balany qabyldaý bólmesine alyp kirgende qobaljyǵannan tizesi dirildep ketti.

- Onyń saqtandyrýy bar ma? dep surady kezekshi dáriger.

- Joq, bilmeımin dedi er adam.

- Saqtandyrýsyz ony qabyldaı almaımyz. Esimin aıtyńyzsha eń bolmaǵanda dedi meıirbıke.

- Bilmeımin. Birdeńe isteńizshi dáriger, ótinemin. Bul bala ǵoı. Onyń ólimi meniń moınymda bolǵanyn qalamaımyn, dedi er adam.

- Biz ony tirkeımiz. Ol úshin qaıyrymdylyq jarnany tólep, dárigerlerdiń qyzmeti men dári úshin aqsha tóleýińiz qajet bolady. Sizge túbirtek beremin, ony kasaǵa tólep, osynda kelesiz, dep ashýmen jaýap beredi dáriger.

Er adam asyǵyp kasaǵa qaraı júgiredi. Balany aman alyp qalý úshin ol barlyǵyna daıyn edi. Kasaǵa barǵanda ámıanyn kólikte tastap ketkeni esine túsedi.

40 mınýttan keıin ǵana balany tirkep, dáriger ony qaraýǵa keledi. Dáriger balany kórgende aq qaǵazdaı aǵaryp ketti. Balanyń aıaǵyna jyǵylyp, «Balam» deýge ǵana murshasy boldy.

Daıyndaǵan: Sabına Ramazan