«Jabaıy balalar» fotograf Djýlıı Fýllerton-Battenniń sońǵy, ári sátti jobasy. Ereksheligi, sýretten jabaıy álemde ómir súretin balalardy kóre alamyz.
Ataqty fotograf «Jasóspirimder tarıhy» sýretter serıasynan keıin álemge tanylǵan. Al kezekti sýretter serıasynan adamdardan aýlaq mekende ómir súrip jatqan qyzdardyń ómiri beınelengen.
Jabaıy balalardy izdeýine «Esimi joq qyz» kitaby áser etken. Sóıtip, birden birneshe oqıǵaǵa tap boldy. Olardyń keıbiri adasyp ketkender, keıbirin janýralar urlaǵan, endi keıbiri nazardan tys qalǵan balalar.
Qasqyrlarmen ómir súretin qyz, Meksıka
1845 jyly Meksıkanyń ormandy alqabynan adamdar qasqyrlardyń úıirinde tórt aıaqtap júgirip júrgen qyzdy baıqaǵan.
1 jyldan keıin álgi qyz ormanda áli júrgen kórinedi. Ol kezde eshkini tirideı azyq etip otyrǵanyn kórgen. Qyz jaıly estigen adamdar ormanǵa jıi baratyn bolǵan. Ony sezgen jabaıy qyz ormannyń túbine qashyp ketedi, sodan beri adam balasynyń kózine túspepti.
Kamala men Amala , Úndistan, 1920 jyl.
1920 jyly úńgirden 8 jáne 12 jastaǵy qyzdar tabylǵan. Qyzdar ózge adamdar sekildi emes edi, tórt aıaqtap júgiretin.
Kórgen adamdar olardy qalaǵa alyp keledi. Alaıda qyzdar tósekke jatýdan bas tartyp, ústindegi kıimderin jyrtyp, shıki etten basqa tamaqty jemegen. Al túnde qasqyrlar sekildi ýlyǵan kórinedi.
Qyzdar adamdarmen til tabysýdan bas tartty. Sondaı-aq olardyń kórý jáne estý músheleri óte jaqsy damyǵan.
Qzydardyń úlkeni Amala 1 jyldan soń qaıtys bolady, al Kamala azdap qalypqa kelip qalǵan. Biraq 17 jasynda búırek jetispeýshiliginen qaza tapty.
Madına, Reseı, 2013 jyl
Madına – esin tanyǵaly ıttermen ómir súretin qyz bala. Itter jegen tamaqty jep, solarmen oınap, jandarynda uıyqtap júrdi. 2013 jyly ony áleýmettik qyzmetkerler taýyp alady, qyz ash edi, tórt aıaqtap júgiretin, ıtter sekildi qyńsylaıtyn.
Madıananyń ákesi otbasyn tastap ketken, al anasy ishimdikke áýes bolǵandyqtan qyzyna kóńil aýdarmaǵan. Tipti anasynyń janynda júrip-aq Madına ıttermen birge tamaqtanatyn, sebebi anasy oǵan nazar aýdarmaǵan.
Qyzben ózge balalar da oınaǵysy kelmeıtin, jandaryna jolatpaıtyn. Onyń jalǵyz dosy ıtter boldy.
Dárigerler Madınanyń deni saý degen uıǵarymǵa keledi. Ómiriniń qalypqa kelýi úshin múmkindiktiń kóp ekenin aıtqan.
Oksana Malaıa, Ýkraına, 1991
Oksana 1991 jyly ıtkúrkeden tabylǵan. 6 jyl boıy ıttermen ómir súrigen qyzdyń jasy ol kezde 8-de edi. Ata-anasy ishimdikke áýes bolǵandyqtan, qyzdary nazardan tys dalalda qaldy. Jylý izdegen 2 jasar búldirshin aýlada jasyrynǵan ıtterdiń uıasynan biraq shyqty.
Ony tapqan kúni qyz adamnan góri ıtke kóbirek uqsaǵan. Tórt aıaqtap júrgirip, jerde kezdesken ár dúnıeni ıiskep, tisterin úıkeletip, qyńsylaıtyn. «Iá» jáne «joq» degen eki sózdi ǵana bildi.
Qarqyndy terapıanyń kómegimen qyz óz qalpyna qaıta keldi. Búginde jasy 25-ten asqan Oksana Odessadaǵy emdeý mekemesinde turady. Sondaı-aq úı janýarlaryna qamqorlyq tanytatyn kórinedi.
Sholshýy: Sabına Ramazan
