Qasıetti Quran Kárimniń «Baqara» súresinde: «Rasynda, Alla masany, odan da zorǵyny mysal keltirýden uıalmaıdy. Al, múminder onyń Rabbylarynan naq haqıqat ekendigin biledi», – degen aıat kezdesedi. Osy aıattyń aınalasyndaǵy aqıqatty ǵylymı túrde zerdelep kórsek, Asa qudiretti Alla Taǵalanyń ulyqtyǵyn moıyndap, ımanyńyzdy kúsheıte túsesiz.
Quranda aıtylǵan masa jándiginiń salmaǵy – 1 gramnyń 1000/1 bóligi ǵana. Ǵalymdar masa jándigin elektrondy mıkroskoppen 400 000 ese ulǵaıtyp zertteý barysynda asqan qudirettilikpen jasalǵan júıeni anyqtaǵan. Salmaǵy shańnyń tozańy qurly bolmaǵan jańaǵy jándiktiń 100 kózi, 48 tisi bar degendi endi mıyńyzǵa syıdyryp kórińizshi! Al, keýdesinde úsh júreginiń ekeýi qos qanatyna arnalyp, árqaısysynda eki qaqpaqsha jáne eki asqazan jalǵasqan. Ortalyq júrektiń de eki qaqpaqshasy jáne eki asqazany bar.
Sondaı-aq, masanyń, tipti, qustarda da kezdespeıtin qasıeti bar. Ol aınalasyndaǵy zattardy túsine nemese túrine qarap kórmeıdi. Onyń jylýsezgish júıesi bólmedegilerdi dene temperatýrasy boıynsha sezedi. Mysalǵa, qystygúni bólmedegi temperatýra baǵany 5-ti kórsetip tursa, masa dene qyzýy 35-36 bolyp turǵan adamnan basqa eshteneni kórmeıdi.
Budan bólek, masanyń taǵy bir ereksheligi – qan taldaǵysh aǵzasynyń bar bolýy. Eger bólmedegi eki jannyń biriniń qany unamasa, ol oǵan qaıtyp tıispeıdi. Al, qany unaǵan jandy qaıta-qaıta mazalaıtyny – masanyń osy organynyń arqasynda bolyp otyr.
Sondaı-aq, onyń sorǵan qanyn suıyltatyn qasıeti taǵy bar. Adam boıyndaǵy qoıý qan masanyń tumsyǵynan esh kedergisiz ótýine onyń osy qasıeti kómektesedi. Al, masanyń asa damyǵan anestezıalyq (aýrýdy sezdirtpeý) júıesi onyń shaqqanyn múldem sezdirmeıdi. Masa shaqqanyn sálden keıin baryp sezetinimiz sondyqtan.
Sonymen, sál oı júgirtip qarańyzshy! Salmaǵy 1 gramnyń 1/1000 bóligindeı bolatyn masanyń basynda 100 kózi, 48 tisi bar. Keýdesinde árqaısysynda eki qaqpaqsha men eki asqazan jalǵasqan úsh júrek ornalasqan. Jylý aıyrǵysh, qan taldaǵysh jáne ony suıyltqysh, aýyrsynýdy sezdirmeıtin anestıezıalyq aǵzalary bar. Tipti, tumsyǵynyń ózi alty bólikten quralǵan: onyń tórteýi tilip túsetin pyqshaqtar bolsa, qalǵany ekeýi qurala kelip, tútik túzedi. Minekeı, Alla Taǵala mysalǵa keltirgen masa jándigi osyndaı!
Asa meıirimdi Alla Taǵala adamzat balasyna áli kúnge deıin óziniń belgilerin bildirýmen keledi. Alaıda, aınalasyna atústi qarap, aqylmen kóz júgirtýdi tyıǵan júrekterdiń Jaratqan Rabbysyna degen senimi sol baıaǵy – soqyrlyq. Ǵylym men bilim damyp, kún saıyn Uly Jaratýshynyń kálamy Quran Kárimdegi aqıqatty tanyp jatsaq ta, asyl dinimizden alshaqtaý júretinimiz jasyryn emes. Oılanaıyq!
Aıdos IMANTAI
