Óz jerinde kók kózder Qaıratymdy,
Masqaralap qoldandy aıla túrli.
Orys tilin bilmese túsinińiz,
Mensinbegen shyǵar-aý maıda tildi?!
Turǵan joq pa sózge baı – qazaq tilim,
«Qazaqpyn» - dep kúı keshtim ǵajap búgin.
Orys tilin bilmegen Qaıratymnan,
Sezilip tur, shirkin-aı, azattyǵym!
Soǵan qazir jetpeı júr mı áttegen,
Uqpaıtynǵa syldyr sý sıaqty óleń.
Orys tilin bilmegen uıat emes,
Qazaq tilin bilmegen uıat der em!
Óz tilim bar ózgeniń keregi ne,
Úırengenge abyroı beredi me?
«Uıat boldy» degender aldymenen,
Óz tiliniń boılasyn tereńine.
Uıalmaımyn, maqtanam Qaıratpenen,
Men osylaı ózimdi qaırap kelem.
Ór namysy joǵary qazaq bolsaq,
Bıiginen túspeıdi baıraq tómen!
Avtory: Saıat Ábenov
