Ekinshi dúnıejúzilik soǵys kezinde amerıkalyq soldattar okoptarda bir-birine óz eliniń qorqynyshty oqıǵalaryn baıandap beretin. Sondaı oqıǵalardyń biri 20 ǵasyrdyń basynda Pensılvanıa mekeninde tirshilik etken «jasyl qubyjyq» jaıynda boldy. Jaýyngerlerdiń aıtýynsha, ol adam túnde kóshe kezip júretin kórinedi. Túrli dybystar shyǵaryp, ústinen jasyl tús jarqyrap turatyn. Tastandy týnelde ómir súretin, betinde úlken jyryǵy bar jasyl tústi qubyjyq amerıkalyqtardyń aýzynan túspeıtin bolǵan.
Tek adamdar muny jaı ǵana ańyzǵa balap, asa senimdilik tanyta bermeıtin. Alaıda «beti joq Charlıdiń» jelide sýretteri taraı bastaıdy . Sóıtip, ormandy kezgen qubyjyq jóninde ańyz shyndyqqa aınalyp shyǵa keldi.
20 ǵasyrdyń basynda Pensılvanıa qalasynda Raımond Robınson esimdi balaqaı ómir súrdi. 10 jasynda qustyń uıasyn kórgisi kelip, aǵash basyna shyǵady. Aqyry aıaǵy taıyp ketip, elekterli symdardyń ústine qulap, symdardan toq soqqan.
Sonyń salldarynan balanyń beti qatty kúıip qalǵan, al dárigerler ony tipti emedgisi kelmegen. Sebebi, Raımond betinen aıyrylǵan, onyń ornyna úlken tesik paıda bolady. Onymen qosa, bir qolynan aıyrylady. Ol zamandarda elektr «ǵylymdaǵy sıqyrly zat» sanalǵan, sol sebepti el arasynda Raımondtyń denesinen kúıiktiń saldarynan jasyl tús janyp turady degen qaýeset taraǵan.
Iá, Raımond aman qaldy, biraq ómiri sumdyqqa aınaldy. Ony tanyǵan dostary men kórshileri jyryqtan basqa túgi joq bettiń túbinde qandaı meıirmdi jannyń jatqanyn jaqsy bildi. Al tanymaıtyndardyń kózine túri usqynsyz qubyjyq qana elesteıtin. Alǵashynda túriniń usqynsyzdyǵyna qaramaı jumys istegen kórinedi, beldikter, ámıandar, sómkeler jasap, kún kóretin, biraq adamdardyń kóbi odan barynsha aýlaq bolýǵa tyrysyp, saýdasy júrmeı qalǵan. Sodan beri kóshe kezip ketedi.
Bılik pen meıirimdi jandar oǵan kómektespek boldy. Alaıda Raımond jalǵyz, ári tynyshtyqta bolýdy qalap, adamdardan qashyp júretin. Sóıtip el arasynda túnde kóshe kezip júretin «beti joq Charlı» týraly áńgime tarap ketedi. Ol adamdardyń kózine túspes úshin, kóshege túnde shyǵýdy jón sanaıtyn.
Adamdar arasynda qubyjyq keıpindegi qarapaıymm adam balasy jóninde túrli qaýesetter shyǵa bastaıdy. Tipti eldegi belgisiz kisi óltirý, adam urlaý syndy qylmystardy Raımondqa jaba salatyn. Ýaqyt óte kele ómirde shyn mánisinde bolǵan balanyń oqıǵasy, adamdardyń boıyna úreı týdyratyn ańyzǵa aınaldy.
Al Raımond Robınson 1985 jyly qaıtys bolǵan eken.
Sholýshy: Sabına Ramazan
