Kún saıyn Venesıaǵa týrıser álemniń túkpir-túkpirinen sýdaǵy qalany kórý úshin aǵylyp kelip jatatyn. Alaıda, qazir barǵan týrıserdiń joldary bolmady. Bul múmkin emesteı kórinetin bolar, alaıda ol qalada qurǵaqshylyq oryn alyp, sý arnalary bosap, qaıyqtar batpaqta turyp qaldy, dep habarlaıdy Qamshy aqparattyq agenttigi amn.com.ua saıtyna silteme jasap.

Sýdyń qalypsyz kúıde turýynyń saldarynan Venesıada qurǵaqshylyq bastaldy.

Eki kúnnen beri qaladaǵy sý deńgeıi tómendep, rekordtyq kórsetkishke jetti. Bul qala óziniń kóz tartarlyq kelbetinen, túrli boıaýǵa boıalǵan sý arnalarynan aıyryldy, sebebi olar qazir bos tur. Týrıser endigi kezekte jantúrshigerlik kórinisterge kýá bolady.

Venesıadaǵy qaıyqtar balshyqqa batyp qaldy. Qalanyń mundaı kúıge dýshar bolýyna Italıanyń soltústik-shyǵys aımaǵynda jaýyn-shashynnyń kúrt tómendeýine qatysty bolyp otyr. Venesıa kún saıyn sýǵa tolyp bara jatqannan góri onyń sýsyz qalýy adam sengisiz jaǵdaı bolyp otyr.

Sý arnalarynyń bos qalýy – qalany úlken apatqa ákelip soqtyrýy múmkin. Sý mólsheriniń kúrt tómendeýinen eski ǵımarattardyń qabyrǵalary jarylyp, sý ketetin jerlerde úlken máseleler týyndaýy múmkin. Bul ýaqytqa deıin adamdar qoqystaryn sýǵa tastap ketetin. Búgingi kúnde úlken ǵımarattarda sarqyndy sýdy tazartý júıelerin ornatylǵan. Alaıda áli kúnge deıin qalaǵa jaǵymsyz ıisi taraıtyn jerler bar.

Venesıa qalasyn sý tasqyny nemese jerdiń qurǵaqshylyqqa aınalý máselesin korǵanys bareri arqyly sheshý qajet. Bul barer shyǵanaq pen sý tasqynyn baqylaıtyn uıaly qaqpa bolyp tabylady. Bul joba óte qomaqty qarjyny qajet etedi. Alaıda jergilikti bılik mundaı máseleni sheshýdiń jolyn bilse de, ony erterek qolaǵa alý úshin qomaqty qarjy salýǵa asyǵar emes.

Sý arnalarynyń bos qalýynyń saldarynan sý túbinde qalǵan qoqystar kórine bastady. 

Sholýshy: Nazerke Labıhan