«Nan úlken be, Quran úlken be?» degen shaıtanı suraq el kezip júr. Soraqysy sol 70 jastan asqan ımam kisiniń nan úlken degenin óz qulaǵymmen estidim» degen saýalǵa muslim.kz  jaýap berdi. Bul týraly tolyǵyraq Qamshy aqparattyq agenttigi jazady.  

Qasıetti Quran ­­– búkil álemdi joqtan bar etýshi, ony ásem túrde sheberlikpen jaratqan Alla Taǵalanyń pendelerge jibergen teńdesiz qazynasy, baǵa jetpes asyly, taýsylmas baılyǵy. Oǵan esh nárseni salystyrýǵa kelmeıdi. Onyń qanshalyqty qymbat dúnıe ekendigin Alla Taǵala myna sózderimen-aq bildiredi: «Eger osy Qurandy bir taýǵa túsirsek, Alladan qoryqqandyǵynan úreılenip, byt-shyt bolǵanyn kórer ediń. Bul mysaldardy adam balasy oılansyn dep keltiremiz».

Sondyqtan, «Quran nannan tómen!» deý qatelik. Sebebi, Quran esh nársege salystyrýǵa kelmeıdi.

Degenmen osy sózdi aıtqan aqsaqaldyń nıeti "Qurandy tómen túsýrý" bolmasa kerek. Sebebi esh bir musylman ásirese ımam kisi Qurandy esh nárseden tómen kórmeıdi. Ol kisiniń álgi sózin "shaıtanı senim" degennen góri, sózde ketken qatelik dep túsingenimiz jón. "Súrinbeıtin tuıaq, jańylmaıtyn jaq" bolmaıdy ǵoı.

Sholýshy: Aıgerim Taýbaı