Attanyp saparyna jeńildiktiń,
Asylyp ımanyna jeńil júktiń.
Allaǵa táýekel dep shyqqan jolda,
Shynaıy berekeli senimdi uqtym.

Alty qarys alda edi kókirektik,
Barlyǵyn jınap alyp kepil ettik.
Qınalǵanda kórip qap sabyrlyqtyń,
Kemesine mingesip esip óttik.

İzgilikke úzdigip saǵym artty,
Qulynyń tilin Alla qabyl apty.
Dáminde bilmeýshi edik shól qysqanda,
Bir urttam qara sýdyń qadiri artty.

Janymdy jalmaǵan ed(i) jalǵan basqur,
Qalaısha bul rızyqqa tańdanbas qul,
Mekendegen kózbenen aýyzǵa kep,
Tyıyldy nápsi degen arlan qasqyr.

Kúdiktiń bolǵan edi mysy basym,
Arylyp qaýósetten sytylasyń.
Allaǵa myń bir shúkir shyrǵalańda,
Tejedik oı men sózdiń sypyrasyn.

Bitti-aý dep bir aı shirkin, qutyrasyń,
Bir aıda adal bolǵan búkil asym.
Qutyrmaıyq nemese bálekettiń,
Arbaýyna qaıtadan tutylasyń.

Talpynaıyq taýfıqty suramaqqa,
Bergen Alla ómirdi synamaqqa.
Jeldeı uıtqyp jeńildik ótip barad(y),
Qaldyǵoı jamaǵatym bir-aq apta.

Avtory: Aıan Temirbekuly