Sońǵy ýaqytta qazaq-qytaı dıplomatıalyq baılanysy nyǵaıyp keledi. Mamyr aıynda «bir beldeý, bir jol» ekonomıkalyq forýmy aıasynda Nazarbaev Beıjińde qytaı basshysymen kezikse, kúni keshe Qytaı prezıdenti Aqordada Nazarbaevpen taǵy kezdesti. Tipti Astanada ótken SHYU samıtine qatysyp, EXPO-nyń ashylýynda da Elbasynyń oń tizesinde otyrdy. Osy qarsańda eki eldiń mádenı baılanysy da qoıýlap, Astanada qytaı kınosy festıvali ashyldy.

Qazaqstan-Qytaı mádenı baılanysynyń jarqyn kórinisi retinde otandasymyz Dımash qatysqan Qytaıdyń Hýnan telearnasy ótkizgen «Men ánshimin» jobasy tarıhta qaldy. Osy baıqaýda mıllıardqa qazaq atyn tanytqan, qatarynan qara úzip shyqqan Dımashqa halyqtyń yqlasy men qoshameti bólek.

Osy oraıda Qytaıdaǵy qazaq zıalysy, qoǵam qaıratkeri, aqyn Tilebaldy Abdreshıtuly Dımashqa án arnaǵan. Ánge sazdy Jaqsybek Qalelbekuly jazǵan. Oryndaǵan jas ánshi Eljaı Baıdollaqyzy.

Ándi ankui.kz saıtynan tyńdaı alasyzdar.

Án sózi:

Dımash

Jibek jaıdyń jańa áýenimen kóne izge

Jibek joly elshisi bolyp sen bizge.

Uly eki el ul-qyzy uqsap egizge,

Uly qurlyq ulasty uly teńizge.

Kórkem tańnyń kúni bop,

Kók aspannyń úni bop,

Júrekterdi jyrǵatyp,

Júgindirip jylatyp,

Jeke ániń terbetti.

Tabyndyryp arly úniń,

Tanytyp shyn án kúshin,

Bar adamǵa qımas bop,

Bar álemge Dımash bop,

Jelpı ber ánmen jer kókti.

Kókti jardy aspanda úniń arqyrap,

Kórmegen jurt mundaı buryn án tyńdap.

Kóshti tasqyn kókirekterden laqyldap,

Kóksedi-aý kóńilinde ot lapyldap.

Damyldap az-aq bultty asyp tekti árli ún,

Dalańnyń aq nóserindeı tókti ániń.

Jelpindirip, silkindirip jer sharyn,

Jeti qurlyq qulaǵyna jetti ániń.