Oblystyq İİD baspasóz qyzmetiniń málimetinshe, qaraqshy zeınetkerdiń aqsha salynǵan ámıanyn alyp qashqan. Bolǵan jaǵdaı jaıynda polısıanyń kezekshi bólimine jolaýshylar habarlasyp, Lomonosov kóshesinde qarıanyń ózin nashar sezinip turǵanyn jáne oǵan jedel járdem kómegi qajet ekenin aıtqan. Bul týraly Qamshy aqparattyq agenttigi Pavlodar jańalyqtaryna silteme jasap habarlaıdy.
Oqıǵa ornyna jetken polısıa jasaǵy belgisiz er adamnyń ájeıdiń qolynan ishinde 10 000 teńge kóleminde aqshasy bar ámıany salynǵan paketti julyp áketkenin anyqtady. Zardap shegýshige medısınalyq kómek kórsetilip jatqanda turǵyndar men qylmysqa kýá bolǵan adamdardan surastyrý jumystaryn júrgizildi.
Sol jerde ornalasqan dúkenniń janynda polıseılerge Sholpan atty kelinshek jaqyndap, qolyna paket ustap artyna jaltaqtaı, asyǵys júgirip bara jatqan er adamdy kórgenin aıtqan. Ol kúdikti adamnyń syrt kelbetin, ústine kıgen kıimin sıpattap berdi. Nátıjesinde polıseıler bir saǵattyń ishinde kúdiktini ustap, İİB jetkizdi. Tekserý barysynda odan zattaı aıǵaqtar (paket, aqsha salynǵan ámıan) alynyp, ıesine qaıtaryldy.
- Kúdiktige qatysty QR QK-niń «tonaý» baby boıynsha tergeý bastaldy. Al kúdiktini «izi sýymaı» ustap, qylmysty ashýǵa septigin tıgizgen kómekshi Sholpan QR «Qoǵamdyq tártipti qamtamasyz etýde azamattardyń qatysýy týraly» Zańyna azamattyq pozısıa tanytqany úshin aqshalaı syıaqymen yntalandyryldy, - dedi baspasóz qyzmetinde.
Sholýshy: Aıgerim Taýbaı
