Álemde bosqyndar sany rekordtyq kórsetkishke jetti. Bul týraly Qamshy  aqparattyq agenttigi 24 habar arnasynyń málimetine súıenip habarlaıdy.

Byltyr 65 mıllıon 600 myń adam óz eli ishinde kóshýge májbúr bolǵan jáne ózge memleketterden baspana suraǵan. Bul – buryn-sońdy bolmaǵan rekordty kórsetkish.  2015 jylmen salystyrǵanda 300 myńǵa artyq.  Birikken Ulttar Uıymynyń bosqyndar isteri boıynsha agenttigi osyndaı málimetti jarıalady. Eń kóp bosqyn 5,5 mıllıondaı adam Sırıadan shyqqan. Osy elden keıingi orynda Aýǵanstan men Ońtústik Sýdan tur. Bosqynnyń 55%-y  osy úsh memlekettiń turǵyny. Bul rette mıgranttyń 84%-yn kedeı jáne turmysy ortasha elder qabyldaǵanyn aıtyp ketý kerek. Birikken Ulttar Uıymynyń ókilderi bul málimetter halyqaralyq dıplomatıanyń  kúıregenin kórsetip     otyr  deıdi.

Sholýshy: Aqerke Maratqyzy