AQSH prezıdenti Donald Tramp Soltústik Koreıada 15 aı abaqtyda jatqan stýdent qaıtys bolǵannan keıin Soltústik Koreıanyń «qatań rejımin» aıyptady. Bul týraly Qamshy aqparattyq agenttigi BBC málimetine súıene otyryp habarlaıdy.
Soltústik Koreıa 22 jasar Otto Ýormbırdi osydan eki apta buryn Amerıka Qurama Shtattaryna qaıtardy. Stýdent osy ýaqytqa deıin bir jyl kóleminde komma jaǵdaıynda jatqan bolatyn.
Memleket basshysy Donald Tramp 22 jasar Otto Ýormbırdiń basynan «asa aýyr jaǵdaılar» ótkenin aıta otyryp, densaýlyq jaǵdaıyna qaramastan ony týǵan eline, ata-anasynyń qasyna aldyrtý múmkindigine ıe bolǵandyǵyn málimdedi.
Ata-anasynyń aıtýy boıynsha stýdent jigit «sumdyq azaptaýdyń» saldarynan ábden zárezap bolǵan. Osylaısha úgitteý únparaǵyn alyp qashty degen aıyppen túrmege toǵytylǵan stýdent óz eline kelip kóz jumdy
Sondaı-aq Ýormbırdiń qazasy AQSH ákimshiliginiń «mundaı qaıǵyly jaǵdaıǵa jol bermes úshin shet elderde jazasyn ótep jatqan el azamattaryna zań ústemdigine sáıkes, sondaı-aq adamgershilik qadir-qasıet turǵysynan da ádiletti bolýdy qadaǵalaý» týrasyndaǵy sheshimin nyǵaıta tústi.
Otto Ýormbırdiń ata-anasy Fred pen Sındı uldarynyń dúısenbi kúni 14:20-da jergilikti Sınsınnatı aýrýhanasynda kóz jumǵandyǵyn málimdegen bolatyn.
Sholýshy: Aqerke Maratqyzy
