Sırıa elinde alapat soǵystyń bel ortasynda júrgen kóptegen azamattar ár elden jınalǵan. Olardyń kóbisi DAISH quramyna óz erikterimen qosylyp, óz qalaýlarymen soǵysqa attanǵandar. Alaıda kóbisi barǵannan soń qaıtarǵa jol qalmaǵan kezde barmaqtaryn tistep ókinip jatady. Sondaı bir qyrǵyz azamaty soǵystyń bel ortasynda júrip anasyna vıdeo joldaǵan. Óz isine ókingen qyrǵyz azamatynyń bul is-áreketi barsha jastar qaýymyna sabaq bolýy tıis.

«Meniń ýaqytym az, bizdi qorshaýǵa aldy. Bizden eki kóshe tómen jaqta barlyǵy da qıratylǵan. Men, bálkim, tiri qalmaıtyn shyǵarmyn. Sol sebepti de anashym, sizge aıtqym keledi: keshirshi meni, osyndaı qadamǵa baryp, osy jerge kelgenim úshin keshirshi. Olar jazyqsyz adamdardy, balalardy  óltirip, áıelderdi aıýandyqpen zorlaıdy. Ne úshin, kim úshin soǵysyp jatqandary belgisiz. Buıryqty kimniń berip jatqanydyǵyn da bilmeımiz. Bul bizdiń soǵys emes, meniń soǵysym emes, anashym... Keshir meni...», - deıdi óziniń vıdeojoldaýynda.