Ulttyq ekonomıka mınıstrligi bıznes tarapynan memlekettik organdarǵa usynylatyn jónsiz jáne qosarlanǵan eseptilikti anyqtaý jáne qysqartý boıynsha zańnamany keń aýqymdy tekserýdi júrgizedi dep habarlaıdy Qamshy aqparattyq agenttigi QR Ulttyq ekonomıka Baspasóz qyzmetine silteme jasap. 

«Búginde bıznes beretin eseptiliktiń 1200-den asa túri anyqtaldy. Sonymen qatar sonaý 2000-jyldardyń basynda engizilgen, al memlekettik organdardyń ózine olardyń qajet ekendigi túsiniksiz birqatar eseptilikterdiń bar ekendigi anyqtaldy. Nátıjesinde bulardyń bári bızneske aýyrtpalyq bolyp tabylady», - dedi QR UEM Kásipkerlikti damytý departamenti dırektorynyń orynbasary Aslanbek Jaqypov Kásipkerlik máseleleri jónindegi sarapshylyq toptyń otyrysynda.

Reformalandyrýdyń qorytyndysy olardyń qoldanylýyn retke keltirý, bıznes beretin eseptiliktiń qosarlanýyn boldyrmaý jáne soǵan sáıkes kásipkerlerdiń shyǵyndaryn qysqartý bolýy tıis.

Ulttyq ekonomıka mınıstrligi memlekettik organdarǵa beriletin eseptiliktiń biryńǵaı jáne meılinshe tolyq tizbesin qurýdy josparlap otyr. Eshbir memlekettik organnyń kásipkerden osy tizbede qarastyrylmaǵan qandaı da bir aqparatty nemese eseptilikti suratýǵa quqyǵy joq bolmaq.  

Sodan keıin bekitilgen tizbege eseptiliktiń jańa túrin kirgizý máselesi mindetti túrde tek onyń dáleldiligi jáne maqsattylyǵyn aıqyndaıtyn retteýshilik áser etetin taldaý rásimdeýlerinen ótkennen soń ǵana júzege asyrylady.

Sondaı-aq UEM ókili kásipkerler úshin júrgizilip jatqan jumystardyń aýqymdylyǵyn jáne ózektiligin eskere otyryp, kásipkerlik árekettiń barlyq salasyn jan-jaqty jáne keńinen qamtý maqsatynda bıznesti atalǵan úderiske tartý qajettigin atap kórsetti. Aslanbek Jaqypovtyń aıtýynsha, qazirgi ýaqytta kez kelgen kásipker negizsiz jáne eskirgen eseptiliktiń qosarlanýyn boldyrmaý jáne ony qysqartý boıynsha óziniń dáıekti usynysyn Ulttyq ekonomıka mınıstrliginiń  D.Mukusheva@economy.kz. elektrondyq meken-jaıyna bere alady.