Jambyl men Jarokov kósheleriniń qıylysyndaǵy jalpy aýdany 1 200 sharshy metr bolatyn alty qabatty ǵımaratta ekologıalyq ofıs ashyldy.

Keńsede tek balamaly energıa kózderi ǵana jumys isteıdi. Bul kompanıanyń - dırektory Maksım Baryshev.  «Jasyl» keńseniń tıimdi jaǵy sol – burynǵy kezde komýnaldyq tólem aıyna 350 myń teńge bolǵan eken,  al jasyl tehnologıalardyń arqasynda komýnaldyq tólem kólemi bar bolǵany aıyna 70 myń teńgege túsip otyr. Sebebi, ǵımarat qajetti energıanyń 80 paıyzyn ózi óndiredi.

Ǵımarattyń kólik turaǵynda elektrokólikterge arnalǵan qýattaǵysh qurylǵylar bar. Ústeldegi noýtbýkter de energıany az tutynady.

«Jasyl» keńseniń jasalý júıesine nazar aýdarsaq:  ǵımarattyń tóbesine 20 kún paneli qoıylǵan. Árqaısysynyń qýattylyǵy 300 Vt. Sonymen qatar, ǵımaratta sýdy qaıta aınaldyrý júıesi bar. Sý arnaıy rezervýarǵa jınalyp, tazalanyp, qaıta paıdalanylady.

Qurylysqa jalpy quny 280 mıllıon teńge ketken. Ǵımarat shyǵyny 7 jylda ózin ózi aqtaıdy dep kútilýde.

Bul jańalyqtyń eń erekshe tusyna toqtalsaq, bul jobanyń arhıtektorlary – qazaqstandyq mamandar. Iaǵnı, jetken jetistikterimizdiń dál osy úlgisi Qazaqstandaǵy ǵylym men bilimniń «aqyryn júrip, anyq basyp» damyp jatqandyǵynan habar beredi.

                                                                                                                                                                  Sholýshy Orazhan Aqtolqyn