22 maýsymda «Atameken» Ulttyq kásipkerler palatasynda Qurylys, qurylys materıaldarynyń óndirisi jáne TKSH komıtetiniń otyrysy ótti. Jıynǵa QR Investısıalar jáne damý vıse-mınıstri Roman Sklár, QR IDM Qurylys jáne turǵyn úı-kommýnaldyq sharýashylyq isteri komıtetiniń tóraǵasy Marhabat Jaıymbetov, sondaı-aq negizgi qurylymdyq bólimshelerdiń basshylary men qurylys salasy qaýymdastyǵynyń ókilderi qatysty.
Komıtet tóraǵasy Aleksandr Belovıch qazirgi tańda «Atameken» atqaryp jatqan negizgi jumys baǵyttaryn atap ótti.
«Negizgi baǵyttyń qatarynda qala qurylysy tujyrymdamasy jobasyn ázirleýdiń maqsattylyǵy, memlekettik sáýlet-qurylys baqylaý tarapynan júrgiziletin baqylaý-qadaǵalaý sharalaryn azaıtý, qurylystaǵy memlekettik satyp alýlar boıynsha dempıńke qarsy sharalar, qurylysqa beriletin jer ýchaskelerine quqyq berý prosedýrasyn jetildirý máseleleri bar», – dep saralady Komıtet Tóraǵasy Aleksandr Belovıch.
Ulttyq palata Basqarmasy «Atameken» UKP Tóralqa Tóraǵasynyń tapsyrmasyn oryndaı otyryp, osy jyldyń 6 maýsymynda Basqarma Tóraǵasy Abylaı Myrzahmetov, Investısıalar jáne damý mınıstri Jeńis Qasymbek, sondaı-aq qarjy mınıstrligi men ulttyq ekonomıka mınıstrligi ókilderiniń qatysýymen salalardyń ózekti máselelerin sheshýge arnalǵan kezdesý ótkizdi.
Jumys baby boıynsha ótken kezdesýdiń qorytyndysynda ekonomıkanyń negizgi salalaryna arnalǵan 9 jumys tobyn qurýǵa sheshim shyǵaryldy. Alǵash bolyp qurylys, qala qurylysy jáne sáýlet salasyn damytý máseleleri boıynsha jumys toby quryldy. Osy jıynda «Atameken» QR UKP Basqarma Tóraǵasynyń orynbasary Eldos Ramazanov men QR Investısıalar jáne damý vıse-mınıstri Roman Sklár jumys kestesin bekitti.
Roman Sklár memlekettik organdardyń Investısıalar jáne damý mınıstrligi men Ulttyq palatanyń kezdesýlerinde qaralǵan negizgi máselelerge qatysty atqarǵan jumysy týraly habarlady. Qala qurylysy kodeksiniń ázirlemesine qatysty pikir bildirdi.
«Biz usynysty qoldadyq. Qalyptasqan prosedýralardyń barlyǵynan ótýi qajet, atap aıtqanda kodekstiń tujyrymdamasyn daıyndaý kerek. Kásibı qoǵamdastyq kezeń-kezeńimen talqylaýdan ótkizedi», – dedi vıse-mınıstr.
Óz kezeginde Qurylys jáne turǵyn úı-kommýnaldyq sharýashylyq isteri komıtetiniń tóraǵasy Marhabat Jaıymbetov Ulttyq palatanyń usynysyna qoldaý bildirip, birlesip ázirleýge daıyn ekenin jetkizdi.
Komıtet músheleri jekelegen máselelerge qatysty oılaryn ortaǵa saldy. Jobalaýshylar qaýymdastyǵynyń vıse-prezıdenti Serik Rýstambekov izdeý qyzmeti boıynsha lısenzıa sanatynyń joqtyǵyna qatysty pikir bildirip, tapsyrys berýshilerdiń jobalaýǵa tehnıkalyq tapsyrysty sapasyz daıyndaýyna qatysty eskertýin aıtty.
«Qaýymdastyq jobalaýǵa qurylys normalary men erejelerinde bekitken úlgilik tehnıkalyq tapsyrmalardy ázirleýge daıyn», – dep usynys bildirdi Serik Rýstambekov.
Qazaqstan qurylysshylary odaǵynyń tóraǵasy Talǵat Erǵalıev memlekettik sáýlet-qurylys baqylaýy organdarynyń tekserýine qatysty másele kóterdi. Ókildiń aıtýynsha, bul tekserýlerdi retteý kerek, ásirese Astanada memlekettik sáýlet-qurylys baqylaýy organy jergilikti atqarýshy organnyń qolyndaǵy tetik degen jeleýmen ózderine tıesili emes qyzmetti atqarady.
Sonymen qatar, basqosýda Komıtet tóraǵasy Aleksandr Belovıch syrtqy ınjenerlik jelilerge qosylǵan kezde monopolıser materıal men jabdyqqa qoıylatyn talapty suraıdy, olardyń tehnıkalyq sıpattamasy qymbattaýy men jetkizý merziminiń uzarýyna soqtyrady.
Basqarma Tóraǵasynyń orynbasary Eldos Ramazanov jıyndy qorytyndylaı kele, ýákiletti organmen tynys jumys isteý arqyly qurylys salasyndaǵy máselelerdiń naqty sheshimin qabyldaý josparlanyp otyrǵanyn atap ótti.
«Ulttyq palata búginde bekitilgen kesteni jańa usynystarmen tolyqtyrýǵa daıyn. Máseleni jedel sheshý úshin jumys tobyna qaýymdastyq basshylarynyń tikeleı qatysýyn suraımyn», – dep tujyrymdady Basqarma Tóraǵasynyń orynbasary.
