Orta salmaqta WBA (Super), IBO, WBC jáne IBF tujyrymdary boıynsha álem chempıony Gennadıı Golovkın meksıkalyq Saýl "Kanelo" Alvarespen kezdesý ótkizgennen soń mansap jolyn aıaqtaýy múmkin ekenin aıtqan bolatyn. 35 jastaǵy orta salmaqtaǵy boksshy kásipqoı boksta 11 jyldan asa ýaqyt ótkizip, birde-bir ret jeńilis tappaǵan edi.
GGG bokstan ketetin bolsa, qazaqstandyq kásipqoı boksshylardyń qaısysy onyń ornyn basýy múmkin? Kásipqoı boksta úmitkerler kóp, degenmen olar muny ispen dáleldeýi kerek, - dep jazady Qamshy aqparattyq agenttigi Vesti.kz-ke silteme jasaı otyryp.
ÚMİTKERLER:
Batyr Júkembaev (9-0-0, 8 KO).
25 jastaǵy boksshy birinshi orta salmaqta judyryqtasady. Jaqynda ol úlken jekpe-jekter ótkizedi.
Álı Ahmedov (6-0-0, 5 KO).
21 jastaǵy jartylaı aýyr salmaqtaǵy boksshy jetkilikti tanymal boksshylardyi biri. Onyń eńbekqorlyǵy bıyl osy salmaqtaǵy úzdik on boksshynyń reıtıńinde kósh bastaýǵa kómek beredi.
Jánibek Álimhanuly (1-0-0, 1 KO).
Osy tizimdegi taǵy bir jartylaı salmaqtaǵy boksshylardyń biri. 2013 jyly ótken álem chempıonatynda úlken jetistikterge jetti. 2020 jyly ótetin Olımpıada oıyndarynda Qazaqstan quramasynyń lıderi bolýy múmkin, biraq oǵan óziniń kásipqoı bokstaǵy reıtıńin joǵarylatýǵa eshkim kedergi keltirmeıdi. Golovkın bokstan ketken jaǵdaıda Álimhanuly chempıon deńgeıine kóterilýi múmkin.
Favorıtter:
Janat Jaqıanov (27-1-0, 18 KO).
WBA (Super) tujyrymy boıynsha eń jeńil salmaqtaǵy chempıon birikken jekpe-jek ótkizýge daıyn. Onyń jasy qazir 33-te, biraq tájirıbeli Jaqıanov óziniń salmaq deńgeıinde myqty qarsylastarmen kezdesý ótkizdi. Qazaqstandyq boksshy ulybrıtanıalyq Raıan Barnetten IBF belbeýin tartyp alsa, oǵan barlyǵy baǵa beredi.
Qanat Islam (24-0-0, 19 KO).
32 jastaǵy qazaqstandyq boksshy Qanat Islamdy da osy tizimge qosýdy jón kórdik. Ol osymen besinshi jyl kásipqoı boksta kezdesýler ótkizip júr.
Elimizde kásipqoı boksta 50-den asa boksshy bar. Árıne, olardyń árqaısysy bokstan álem chempıony atanyp, juldyz bolǵysy keledi.
Eske sala keteıik, osyǵan deıin Golovkın "Kanelomen" judyryqtasqannan keıin bokspen qosh aıtysýy múmkin ekenin málimdegen bolatyn. Qazaqstandyq boksshy meksıkalyq Saýl "Kanelo" Alvarespen jekpe-jek sport jolynda sońǵy kezdesýi bolýy múmkin ekenin jasyrmady. "Jekpe-jekten keıin aıaqtaýym múmkin. Biraq jalǵastyrýym da bek múmkin. Jaǵdaıym jaqsy. 30-temin, biraq áli de 25 jastaǵy jigit sezinemin. Bul boks, fýtbol emes. Bul oıyn emes, shaıqas, árbir shaıqas kúrdeli", - degen edi Golovkın BoxingScene basylymyna bergen suhbatynda.
Sholýshy: Ásel Bolatqyzy
