AQSH prezıdenti Donald Tramp qasıetti Oraza aıt meıramyna oraı jıyrma jyldan beri Aq úıde berilip kele jatqan saltanatty qonaqasyn jospardan syzyp tastady, dep jazady Qamshy aqparattyq agenttigit muslim.kz saıtyna silteme jasap.
Aıta keteıik, aıt meıramyna oraı jaıylatyn saltanatty dastarhan sonaý 1996 jyldan beri uıymdastyrylyp kele jatqan bolatyn.
Saılaý aldyndaǵy halyqqa bergen ýádesinde Donald Tramp Oraza aıt meıramyn toılaýdyń eshqandaı ersiligi joq ekenin aıtqan bolatyn. Degenmen, AQSH prezıdenttigine saılanysymen Tramptyń musylmandar quqyǵyna qarsy birneshe buıryq shyǵaryp úlgergeni belgili.
Atap aıtqanda, Donald Tramp buıryǵy boıynsha birneshe musylman memleketiniń azamattaryna AQSH aýmaǵyna kirýine tyıym salyndy. Sondaı-aq, AQSH Memlekettik departamentinde birneshe jyl boıy úzbeı ótkizilip kele jatqan aýyzashar dastarhany da bıyl jaıylmady. Bul jaıynda AQSH memhatshysy Reks Tılerson málim etti.
